ਜਲੰਧਰ

ਇਨਕਮ ਟੈਕਸ ਕਮਿਸ਼ਨਰ ਗਿਰੀਸ਼ ਬਾਲੀ ਵਲੋਂ ਮੈਡੀਕਲ ਕੈਂਪ ਦੀ ਸ਼ੁਰੂਆਤ <br/>

ਇਨਕਮ ਟੈਕਸ ਕਮਿਸ਼ਨਰ ਗਿਰੀਸ਼ ਬਾਲੀ ਨੂੰ ਸਨਮਾਨਿਤ ਕਰਦੇ ਹੋਏ ਤਰਸੇਮ ਕਪੂਰ ਤੇ ਨਾਲ ਏ.ਆਈ.ਜੀ. ਜਗਜੀਤ ਸਿੰਘ ਸਰੋਆ, ਸੁਨੀਤਾ ਕਪੂਰ ਅਤੇ ਹੋਰ ਪਤਵੰਤੇ | ਤਸਵੀਰ. ਮੁਨੀਸ਼ <br/> 10-06-2026

ਜਲੰਧਰ, 9 ਜੂਨ (ਸ਼ਿਵ)-ਲਾਲਾ ਰਾਮ ਕਿਸ਼ੋਰ ਕਪੂਰ ਵਿਕਲਾਂਗ ਸਹਾਇਤਾ ਟਰੱਸਟ, ਅਪਾਹਿਜ ਆਸ਼ਰਮ ਜਲੰਧਰ ਵਿਖੇ ਐਤਵਾਰ ਨੂੰ ਮੁਫ਼ਤ ਅੱਖਾਂ ਦੀ ਜਾਂਚ ਅਤੇ ਮੈਡੀਕਲ ਚੈੱਕਅਪ ਕੈਂਪ ਲਗਾਇਆ ਗਿਆ | ਕੈਂਪ 'ਚ 850 ਤੋਂ ਵੱਧ ਲੋੜਵੰਦ ਮਰੀਜ਼ਾਂ ਨੇ ਵੱਖ-ਵੱਖ ਸਿਹਤ ਸਹੂਲਤਾਂ ਦਾ ਲਾਭ ਲਿਆ | ਕੈਂਪ 'ਚ 375 ਮਰੀਜ਼ਾਂ ਦੀ ਅੱਖਾਂ ਦੀ ਜਾਂਚ ਕੀਤੀ ਗਈ | 120 ਮਰੀਜ਼ਾਂ 'ਚ ਮੋਤੀਆਬਿੰਦ ਦੀ ਪਛਾਣ ਹੋਈ, ਜਿਨ੍ਹਾਂ ਦੇ ਆਪਰੇਸ਼ਨ ਆਧੁਨਿਕ ਲੇਜ਼ਰ ਫੇਕੋ ਤਕਨੀਕ ਨਾਲ ਮੁਫਤ ਕੀਤੇ ਜਾਣਗੇ | ਇਸ ਦੌਰਾਨ 18 ਮੈਮੋਗ੍ਰਾਫੀ, ਬ੍ਰੈਸਟ ਕੈਂਸਰ ਸਕੈਨ 23 ਅਤੇ ਬੋਨ ਡੈਂਸਿਟੀ ਟੈਸਟ 175 ਮਰੀਜ਼ਾਂ ਦੇ ਕੀਤੇ ਗਏ | ਕੈਂਪ ਦੀ ਸ਼ੁਰੂਆਤ ਡਾ. ਗਿਰੀਸ਼ ਬਾਲੀ, ਆਈ.ਆਰ.ਐੱਸ. ਕਮਿਸ਼ਨਰ ਇਨਕਮ ਟੈਕਸ, ਨਵਜੋਤ ਸਿੰਘ, ਅਸਿਸਟੈਂਟ ਕਮਾਂਡੈਂਟ ਸੀ.ਆਰ.ਪੀ.ਐਫ, ਜਗਜੀਤ ਸਿੰਘ ਸਰੋਆ, ਏ.ਆਈ.ਜੀ ਐੱਸ.ਟੀ.ਐਫ ਅਤੇ ਰਾਕੇਸ਼ ਸ਼ਰਮਾ ਵਲੋਂ ਰਿਬਨ ਕੱਟ ਕੇ ਕੀਤੀ ਗਈ | ਕੈਂਪ ਦੌਰਾਨ ਪਹੁੰਚੇ ਡਾ. ਗਿਰੀਸ਼ ਬਾਲੀ ਨੂੰ ਚੇਅਰਮੈਨ ਤਰਸੇਮ ਕਪੂਰ ਨੇ ਸਨਮਾਨਿਤ ਕੀਤਾ | ਇਸ ਮੌਕੇ ਸਹਿ-ਪ੍ਰਧਾਨ ਸੁਨੀਤਾ ਕਪੂਰ, ਆਰ.ਕੇ. ਭੰਡਾਰੀ, ਬਿ੍ਜ ਮਿਤਲ, ਸੁਭਾਸ਼ ਅਗਰਵਾਲ ਸਮੇਤ ਕਈ ਪਤਵੰਤੇ ਹਾਜ਼ਰ ਸਨ |

ਪਿਛਲੀ ਖ਼ਬਰ ਸਿਵਲ ਸਰਜਨ ਡਾ. ਰਾਜੇਸ਼ ਗਰਗ ਨੇ ਨਵਨਿਯੁਕਤ 9 ਮੈਡੀਕਲ ਅਫਸਰਾਂ ਨੂੰ ਵੰਡੇ ਨਿਯੁਕਤੀ ਪੱਤਰ <br/> ਅਗਲੀ ਖ਼ਬਰ 'ਆਪ' ਆਗੂ ਅਤੁਲ ਭਗਤ ਨੇ ਵਾਰਡ ਨੰਬਰ 56 ਵਿੱਚ ਵੰਡੀਆਂ ਰਾਸ਼ਨ ਕਿੱਟਾਂ <br/>