ਚੁਗਿੱਟੀ/ ਜੰਡੂਸਿੰਘਾ, 28 ਜੁਲਾਈ( ਨਰਿੰਦਰ ਲਾਗੂ) ਸਥਾਨਕ ਬਸ਼ੀਰਪੁਰਾ ਰੇਲਵੇ ਫਾਟਕ ਦੇ ਨਜ਼ਦੀਕ ਮੰਗਲਵਾਰ ਨੂੰ ਦੁਪਹਿਰ ਸਮੇਂ ਰਾਹ ਜਾਂਦੇ ਇੱਕ ਪ੍ਰਵਾਸੀ ਵਿਅਕਤੀ ਕੋਲੋਂ ਐਕਟਿਵਾ ਸਵਾਰ ਲੁਟੇਰੇ ਉਸ ਕੋਲੋਂ ਨਕਦੀ ਖੋਹ ਕੇ ਫ਼ਰਾਰ ਹੋ ਗਏ। ਦੱਸਿਆ ਜਾ ਰਿਹਾ ਹੈ ਕਿ ਪੀੜਤ ਵਿਅਕਤੀ ਲੁੱਟ ਦੀ ਇਸ ਵਾਰਦਾਤ ਸਮੇਂ ਬਸ਼ੀਰਪੁਰਾ ਤੋਂ ਭਾਰਤ ਨਗਰ ਵੱਲ ਆ ਰਿਹਾ ਸੀ ਕਿ ਇਸੇ ਦੌਰਾਨ ਐਕਟਿਵਾ ‘ਤੇ ਆਏ 2 ਲੁਟੇਰਿਆਂ ਵਲੋਂ ਉਸਨੂੰ ਰੋਕ ਕੇ ਉਸ ਕੋਲੋਂ 1100 ਦੀ ਨਕਦੀ ਖੋਹ ਲਈ ਤੇ ਮੌਕੇ ਤੋਂ ਫ਼ਰਾਰ ਹੋ ਗਏ। ਖ਼ਬਰ ਲਿਖੇ ਜਾਣ ਤੱਕ ਪੀੜਤ ਦੇ ਨਾਂ ਪਤੇ ਸਬੰਧੀ ਜਾਣਕਾਰੀ ਨਹੀਂ ਮਿਲ ਸਕੀ।
