ਜਲੰਧਰ, 30 ਜੁਲਾਈ (ਸ਼ਿਵ) -ਇਕ ਪਾਸੇ ਜਿੱਥੇ ਨਗਰ ਨਿਗਮ ਯੂਨੀਅਨਾਂ ਦੇ ਇਕ ਧੜੇ ਵਲੋਂ ਕਈ ਦਿਨਾਂ ਤੋਂ ਆਪਣੀਆਂ ਮੰਗਾਂ ਨੂੰ ਲੈ ਕੇ ਸਫ਼ਾਈ ਅਤੇ ਸੀਵਰੇਜ ਦੇ ਕੰਮ ਬੰਦ ਕੀਤੇ ਗਏ ਹਨ ਜਿਸ ਕਰਕੇ ਕਈ ਥਾਵਾਂ ’ਤੇ ਕੂੜੇ ਅਤੇ ਸਫ਼ਾਈ ਨੂੰ ਲੈ ਕੇ ਸਮੱਸਿਆਵਾਂ ਵਧਣ ਲੱਗ ਪਈਆਂ ਹਨ। ਸ਼ਾਸਤਰੀ ਮਾਰਕੀਟ ਤੋਂ ਕਮਲ ਪੈਲੇਸ ਨੂੰ ਜਾਂਦੇ ਹੋਏ ਕਈ ਦਿਨਾਂ ਤੋਂ ਸੀਵਰੇਜ ਜਾਮ ਹੈ ਤੇ ਲੋਕਾਂ ਨੂੰ ਪੇ੍ਰਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਲੋਕਾਂ ਦਾ ਕਹਿਣਾ ਸੀ ਕਿ ਇਸ ਬਾਰੇ ਸ਼ਿਕਾਇਤਾਂ ਦਿੱਤੀਆਂ ਗਈਆਂ ਹਨ ਪਰ ਕੋਈ ਸੁਣਵਾਈ ਨਹੀਂ ਹੋ ਰਹੀ ਹੈ। ਇਸੇ ਤਰਾਂ ਨਾਲ ਲਕਸ਼ਮੀ ਪੂਰਾ ਵਿਚ ਕਾਫੀ ਸਮੇਂ ਤੋ ਸੀਵਰੇਜ ਬੰਦ ਹਨ, ਜਿਸ ਨਾਲ ਰੋਡ ਗਲੀਆਂ ਦੇ ਕੋਲ ਮੱਛਰਾਂ, ਮੱਖੀਆਂ ਦੀ ਭਰਮਾਰ ਹੋ ਗਈ ਹੈ। ਦੂਜੇ ਪਾਸੇ ਕਈ ਡੰਪਾਂ ’ਤੇ ਕੂੜੇ ਦੇ ਢੇਰ ਵਧਣ ਲੱਗ ਪਏ ਹਨ। ਟੀ. ਵੀ. ਸੈਂਟਰ ਦੇ ਸਾਹਮਣੇ ਕੂੜੇ ਦੇ ਕਾਫੀ ਵੱਡੇ ਢੇਰ ਲੱਗ ਗਏ ਹਨ ਜਿਸ ਕਰਕੇ ਆਸਪਾਸ ਲੰਘਣ ਵਾਲਿਆਂ ਨੂੰ ਪੇ੍ਰਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਲੋਕਾਂ ਦਾ ਕਹਿਣਾ ਸੀ ਕਿ ਬਰਸਾਤਾਂ ਦੇ ਇਸ ਮੌਸਮ ਵਿਚ ਬਿਮਾਰੀਆਂ ਫੈਲਣ ਦਾ ਡਰ ਬਣਿਆ ਰਹਿੰਦਾ ਹੈ।
