ਤਹਿਸੀਲ ਕੰਪਲੈਕਸ ਦੇ ਰਿਕਾਰਡਰੂਮ ’ਚ ਜ਼ਮੀਨ ’ਤੇ ਰੁਲ ਰਹੇ ਨੇ ਮਾਲ ਵਿਭਾਗ ਨਾਲ ਸੰਬੰਧਿਤ ਦਸਤਾਵੇਜ਼ ਦੂਜੇ ਪਾਸੇ ਪ੍ਰਸ਼ਾਸਕੀ ਕੰਪਲੈਕਸ ’ਚ ਰਿਕਾਰਡ ਸੰਭਾਲਣ ਲਈ ਬਣਨ ਵਾਲੇ ਆਧੁਨਿਕ ਰੈਕਾਂ ਦਾ ਸਾਮਾਨ ਵੀ ਰੁ਼ਲ ਰਿਹੈ
ਅਜੀਤ ਡੈਸਕ
31-07-2026
ਓਧਰ ਦੂਜੇ ਪਾਸੇ ਜ਼ਿਲ੍ਹਾ ਪ੍ਰਸ਼ਾਸਨ ਵਲੋਂ ਪ੍ਰਸ਼ਾਸਕੀ ਕੰਪਲੈਕਸ ਅੰਦਰ ਸਥਿਤ ਵੱਖ-ਵੱਖ ਬ੍ਰਾਂਚਾਂ ਦਾ ਰਿਕਾਰਡ ਸੰਭਾਲਣ ਲਈ ਪਿਛਲੇ ਕਈ ਮਹੀਨਿਆਂ ਤੋਂ ਆਧੁਨਿਕ ਰੈਕ ਬਣਾਉਣ ਲਈ ਕਰੀਬ 6 ਮਹੀਨਿਆਂ ਤੋਂ ਸਾਮਾਨ ਰੱਖਿਆ ਹੋਇਆ ਹੈ ਪਰ ਸੰਬੰਧਤ ਅਧਿਕਾਰੀਆਂ ਤੇ ਪੀ.ਡਬਲਿਊ. ਡੀ. ਵਿਭਾਗ ਵਲੋਂ ਕੀਤੀ ਜਾ ਰਹੀ ਦੇਰੀ ਕਾਰਨ ਇਹ ਸਾਮਾਨ ਬਾਹਰ ਪਿਆ ਹੀ ਖਰਾਬ ਹੋ ਰਿਹਾ ਹੈ। ਇਸ ਸੰਬੰਧੀ ਸੰਪਰਕ ਕਰਨ ’ਤੇ ਜ਼ਿਲ੍ਹਾ ਪ੍ਰਸ਼ਾਸਕੀ ਕੰਪਲੈਕਸ ਦੇ ਨਾਜਰ ਬ੍ਰਾਂਚ ਦੇ ਇੰਚਾਰਜ ਮਨਦੀਪ ਸਿੰਘ ਨੇ ਕਿਹਾ ਕਿ ਸਰਕਾਰੀ ਰਿਕਾਰਡ ਦੀ ਸੰਭਾਲ ਲਈ ਬਣਨ ਵਾਲੇ ਨਵੇਂ ਰੈਕ ਬਣਾਉਣ ਦਾ ਕੰਮ ਪੀ. ਡਬਲਿਊ. ਡੀ. ਅਧੀਨ ਹੈ, ਜਿਸ ਬਾਰੇ ਵਧੇਰੇ ਜਾਣਕਾਰੀ ਉਹੀ ਦੇ ਸਕਦੇ ਹਨ। ਓਧਰ ਪੀ. ਡਬਲਿਊ.ਡੀ. ਦੇ ਜੇ. ਈ. ਜਗਤਵੀਰ ਸਿੰਘ ਨੇ ਦੱਸਿਆ ਕਿ ਰੈਕ ਬਣਾਉਣ ਦਾ ਕੰਮ ਸ਼ੁਰੂ ਕਰ ਦਿੱਤਾ ਗਿਆ ਹੈ ਅਤੇ ਐੱਚ. ਆਰ. ਸੀ. ਬ੍ਰਾਂਚ ਵਿੱਚ ਟਾਈਲਾਂ ਲਾਉਣ ਦਾ ਕੰਮ ਹੋ ਚੁੱਕਾ ਹੈ, ਹੁਣ ਰੈਕ ਫਿਟ ਕੀਤੇ ਜਾਣਗੇ। ਇਸ ਤੋਂ ਬਾਅਦ ਬਾਕੀ ਬ੍ਰਾਂਚਾਂ ਵਿੱਚ ਰੈਕ ਲਾਉਣ ਦਾ ਕੰਮ ਕੀਤਾ ਜਾਵੇਗਾ। ਕੰਮ ’ਚ ਦੇਰੀ ਹੋਣ ਬਾਰੇ ਪੁੱਛੇ ਜਾਣ ’ਤੇ ਜੇ. ਈ. ਨੇ ਕਿਹਾ ਕਿ ਸੰਬੰਧਤ ਬ੍ਰਾਂਚ ਵਲੋਂ ਰਿਕਾਰਡ ਰੂਮ ਖਾਲੀ ਕਰਨ ’ਚ ਸਮਾਂ ਲਾਏ ਜਾਣ ਕਾਰਨ ਟਾਈਲਾਂ ਦਾ ਕੰਮ ਦੇਰੀ ਨਾਲ ਕੀਤਾ ਜਾ ਸਕਿਆ ਅਤੇ ਰੈਕ ਵੀ ਨਹੀਂ ਲੱਗ ਸਕੇ।
ਮਾਮਲੇ ਦਾ ਪਤਾ ਕੀਤਾ ਜਾਵੇਗਾ-ਡੀਸੀ
ਰਿਕਾਰਡ ਰੂਮ ’ਚ ਦਸਤਾਵੇਜ਼ਾਂ ਦੇ ਜ਼ਮੀਨ ’ਤੇ ਰੁਲਣ ਤੇ ਰਿਕਾਰਡ ਸੰਭਾਲਣ ਲਈ ਆਧੁਨਿਕ ਰੈਕ ਨਾ ਲੱਗਣ ਬਾਰੇ ਪੁੱਛੇ ਜਾਣ ’ਤੇ ਡਿਪਟੀ ਕਮਿਸ਼ਨਰ ਵਰਜੀਤ ਵਾਲੀਆ ਨੇ ਕਿਹਾ ਕਿ ਉਹ ਸੰਬੰਧਤ ਅਧਿਕਾਰੀਆਂ ਕੋਲੋਂ ਇਸ ਬਾਰੇ ਚੈੱਕ ਕਰਨਗੇ ਕਿ ਅਜਿਹਾ ਕਿਉਂ ਹੋ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਸੰਬੰਧਤ ਮੁਲਾਜ਼ਮਾਂ ਤੇ ਅਧਿਕਾਰੀਆਂ ਨੂੰ ਰਿਕਾਰਡ ਸੰਭਾਲ ਕੇ ਰੱਖਣ ਦੀਆਂ ਹਦਾਇਤਾਂ ਦਿੱਤੀਆਂ ਜਾਣਗੀਆਂ ਤਾਂ ਜੋ ਲੋਕਾਂ ਨਾਲ ਸੰਬੰਧਤ ਦਸਤਾਵੇਜ਼ ਖਰਾਬ ਨਾ ਹੋਣ।
