ਗਿੱਦੜਬਾਹਾ ਨਗਰ ਕੌਂਸਲ ਚੋਣਾਂ 'ਚ 81 ਉਮੀਦਵਾਰ ਨਿੱਤਰੇ
ਅਜੀਤ ਡੈਸਕ
21-05-2026
ਗਿੱਦੜਬਾਹਾ, 20 ਮਈ (ਪਰਮਜੀਤ ਸਿੰਘ ਥੇੜ੍ਹੀ, ਸ਼ਿਵਰਾਜ ਸਿੰਘ ਬਰਾੜ)-ਗਿੱਦੜਬਾਹਾ ਨਗਰ ਕੌਂਸਲ ਦੀਆਂ ਚੋਣਾਂ ਵਿਚ 86 ਉਮੀਦਵਾਰ ਚੋਣ ਮੈਦਾਨ ਵਿਚ ਨਿੱਤਰੇ ਹਨ | ਇਸ ਵਾਰ ਚਹੁਕੋਨਾ ਦਿਲਚਸਪ ਮੁਕਾਬਲਾ ਹੋਵੇਗਾ | ਉਮੀਦਵਾਰ ਹੁਣ ਖੁੱਲ੍ਹ ਕੇ ਚੋਣ ਪ੍ਰਚਾਰ ਵਿਚ ਜੁਟ ਗਏ ਹਨ | ਜ਼ਿਕਰਯੋਗ ਹੈ ਕਿ ਗਿੱਦੜਬਾਹਾ ਨਗਰ ਕੌਂਸਲ ਦੇ 19 ਵਾਰਡ ਹਨ, ਜਿਸ ਵਿਚ ਗਿੱਦੜਬਾਹਾ ਪਿੰਡ ਵੀ ਸ਼ਾਮਿਲ ਹੈ | ਇਸ ਵਾਰ ਕਾਂਗਰਸ, 'ਆਪ' ਤੋਂ ਇਲਾਵਾ ਸ਼੍ਰੋਮਣੀ ਅਕਾਲੀ ਦਲ ਅਤੇ ਭਾਜਪਾ ਵੀ ਚੋਣ ਮੈਦਾਨ ਵਿਚ ਨਿੱਤਰ ਆਈ ਹੈ | ਜਾਣਕਾਰੀ ਅਨੁਸਾਰ ਸ਼੍ਰੋਮਣੀ ਅਕਾਲੀ ਦਲ ਦੇ 19 ਉਮੀਦਵਾਰ, ਕਾਂਗਰਸ ਦੇ 19 ਉਮੀਦਵਾਰ, ਭਾਜਪਾ ਦੇ 18 ਉਮੀਦਵਾਰ ਅਤੇ 'ਆਪ' ਦੇ 19 ਉਮੀਦਵਾਰਾਂ ਤੋਂ ਇਲਾਵਾ 6 ਆਜ਼ਾਦ ਉਮੀਦਵਾਰ ਚੋਣ ਦੰਗਲ ਵਿਚ ਨਿੱਤਰੇ ਹਨ | ਉਮੀਦਵਾਰਾਂ ਨੂੰ ਚੋਣ ਨਿਸ਼ਾਨ ਦਿੱਤੇ ਗਏ ਹਨ, ਜਿਸ ਉਪਰੰਤ ਉਮੀਦਵਾਰਾਂ ਵਲੋਂ ਆਪਣੇ-ਆਪਣੇ ਵਾਰਡ ਵਿਚ ਚੋਣ ਪ੍ਰਚਾਰ ਸ਼ੁਰੂ ਕਰ ਦਿੱਤਾ ਹੈ |
