ਸ੍ਰੀ ਮੁਕਤਸਰ ਸਾਹਿਬ, 27 ਜੁਲਾਈ (ਰਣਜੀਤ ਸਿੰਘ ਢਿੱਲੋਂ)-ਐੱਚ.ਐੱਸ. ਹਾਈ ਸਕੂਲ ਸ੍ਰੀ ਮੁਕਤਸਰ ਸਾਹਿਬ ਵਲੋਂ ਛੇਵੀਂ ਤੋਂ ਅੱਠਵੀਂ ਜਮਾਤ ਤੱਕ ਦੇ ਵਿਦਿਆਰਥੀਆਂ ਲਈ ਫੂਡ ਵਿਦਆਊਟ ਫਾਇਰ ਮੁਕਾਬਲਾ ਕਰਵਾਇਆ ਗਿਆ। ਇਸ ਮੁਕਾਬਲੇ ਵਿਚ ਵੱਡੀ ਗਿਣਤੀ ’ਚ ਵਿਦਿਆਰਥੀਆਂ ਨੇ ਉਤਸ਼ਾਹ ਨਾਲ ਭਾਗ ਲਿਆ। ਬਿਨਾਂ ਅੱਗ ਦੀ ਵਰਤੋਂ ਕਰਕੇ ਸੁਆਦਲੇ ਤੇ ਪੌਸ਼ਟਿਕ ਪਕਵਾਨ ਤਿਆਰ ਕਰਕੇ ਆਪਣੀ ਰਚਨਾਤਮਕਤਾ ਅਤੇ ਰਸੋਈ ਕਲਾ ਦਾ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਵਿਦਿਆਰਥੀਆਂ ਨੇ ਚਟਪਟੇ ਸਨੈਕਸ, ਮਿੱਠੇ ਪਕਵਾਨ, ਤਾਜ਼ਗੀ ਭਰੇ ਜੂਸ ਅਤੇ ਹੋਰ ਸਿਹਤਮੰਦ ਵਿਅੰਜਨ ਆਪਣੇ ਹੱਥਾਂ ਨਾਲ ਤਿਆਰ ਕੀਤੇ। ਇਸ ਮੁਕਾਬਲੇ ਦਾ ਨਿਰਣਾਇਕ ਮੰਡਲ ਪ੍ਰਿੰਸੀਪਲ ਵਿਪਨ ਕੁਮਾਰ, ਕੁਆਰਡੀਨੇਟਰ ਮੀਨਾ ਰਾਣੀ ਅਤੇ ਰਚਨਾ ਵਧਵਾ (ਕੋਆਰਡੀਨੇਟਰ) ਸਨ। ਨਿਰਣਾਇਕਾਂ ਨੇ ਵਿਦਿਆਰਥੀਆਂ ਦੀ ਮਿਹਨਤ, ਰਚਨਾਤਮਕਤਾ, ਸੁਆਦ, ਪੇਸ਼ਕਾਰੀ ਤੇ ਸਫ਼ਾਈ ਦੀ ਭਰਪੂਰ ਸ਼ਲਾਘਾ ਕੀਤੀ। ਇਸ ਮੁਕਾਬਲੇ ਦੇ ਜੇਤੂ ਵਿਵਾਨ ਜਮਾਤ ਛੇਵੀਂ, ਆਰਵ ਜਮਾਤ ਸੱਤਵੀਂ ਅਤੇ ਕੈਸ਼ਦੀਪ ਜਮਾਤ ਅੱਠਵੀਂ ਰਹੇ। ਸਕੂਲ ਚੇਅਰਮੈਨ ਗੁਰਚਰਨ ਸਿੰਘ ਬਰਾੜ, ਸਮਨਦੀਪ ਸਿੰਘ ਬਰਾੜ, ਅਨਮੋਲ ਸਿੰਘ ਬਰਾੜ ਅਤੇ ਪ੍ਰਿੰਸੀਪਲ ਵਿਪਨ ਕੁਮਾਰ ਨੇ ਸਾਰੇ ਭਾਗੀਦਾਰਾਂ ਨੂੰ ਵਧਾਈ ਦਿੱਤੀ। ਅੰਤ ਵਿਚ ਸਾਰੇ ਭਾਗੀਦਾਰਾਂ ਦੀ ਹੌਂਸਲਾ ਅਫ਼ਜਾਈ ਕੀਤੀ।
