ਸਵ. ਮਾਸਟਰ ਸੁਰਿੰਦਰ ਕੁਮਾਰ ਦੀ ਯਾਦ ’ਚ 51 ਹਜ਼ਾਰ ਰੁਪਏ ਸਕੂਲ ਲਈ ਦਾਨ ਕੀਤੇ

ਅ

ਅਜੀਤ ਡੈਸਕ 24-09-2026

ਦੋਦਾ, 23 ਸਤੰਬਰ (ਰਵੀਪਾਲ)-ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਦੋਦਾ ਤੋਂ ਵੱਡੀ ਗਿਣਤੀ ਵਿਦਿਆਰਥੀਆਂ ਨੂੰ ਸਿੱਖਿਆ ਖੇਤਰ ’ਚ ਬੁਲੰਦੀਆਂ ’ਤੇ ਪਹੁੰਚਾਉਣ ਵਾਲੇ ਸੇਵਾ ਮੁਕਤ ਪੰਜਾਬੀ ਮਾਸਟਰ ਸਵ. ਸੁਰਿੰਦਰ ਕੁਮਾਰ ਦੀ ਯਾਦ ’ਚ ਉਨ੍ਹਾਂ ਦੀਆਂ ਬੇਟੀਆਂ ਤੇ ਸਮੂਹ ਪਰਿਵਾਰ ਵਲੋਂ 51 ਹਜ਼ਾਰ ਰੁਪਏ ਨਕਦ ਰਾਸ਼ੀ ਦਿੱਤੀ ਗਈ। ਸੁਰਿੰਦਰ ਕੁਮਾਰ ਜਿੰਨ੍ਹਾਂ ਨੂੰ ਦੋਦਾ ਵਾਸੀ ਗਿਆਨੀ ਮਾਸਟਰ ਦੇ ਨਾਂਅ ਨਾਲ ਪੁਕਾਰਦੇ ਸਨ। ਇਸ ਮੌਕੇ ਪਿੰਡ ਵਾਸੀਆਂ, ਸਕੂਲ ਇੰਚਾਰਜ ਅਮਨਦੀਪ ਸਿੰਘ, ਜਵਾਹਰ ਸਿੰਘ ਅਤੇ ਜਸਪਾਲ ਸਿੰਘ ਨੂੰ 51 ਹਜ਼ਾਰ ਰੁਪਏ ਨਗਦ ਰਾਸ਼ੀ ਉਨ੍ਹਾਂ ਦੀਆਂ ਬੇਟੀਆਂ ਨਿਰਮਲ ਸੰਧਿਆ, ਰੈਨਾ ਜੋਸੀ, ਨਿਸ਼ਾ ਸ਼ਰਵਰੀ, ਦਮਾਦ ਸੁਨੀਲ ਕੁਮਾਰ ਰੂਬੀ, ਮੁਨੀਸ਼ ਜੋਸ਼ੀ, ਨੀਰਜ ਪਰਾਸ਼ਰ ਤੇ ਸਮੂਹ ਪਰਿਵਾਰ ਵਲੋਂ ਦੋਦਾ ਸਕੂਲ ਦੀ ਭਲਾਈ ਦਿੱਤੀ ਗਈ। ਦੱਸਣਯੋਗ ਹੈ ਕਿ ਕੁਝ ਸਮਾਂ ਪਹਿਲਾਂ ਵੀ ਮਾਸਟਰ ਸੁਰਿੰਦਰ ਕੁਮਾਰ ਨੇ ਬੱਚਿਆਂ ਨੂੰ ਸ਼ੁੱਧ ਪਾਣੀ ਮੁਹੱਈਆ ਕਰਵਾਉਣ ਲਈ ਵੱਡਾ ਆਰ.ਓ. ਲਗਵਾ ਕੇ ਦਿੱਤਾ ਗਿਆ ਸੀ। ਇਸ ਮੌਕੇ ਜਗਰੂਪ ਸਿੰਘ ਸੇਵਾ ਮੁਕਤ ਠਾਣੇਦਾਰ, ਸੁਖਰਾਜ ਸਿੰਘ ਢਿੱਲੋਂ ਸੇਵਾ ਮੁਕਤ ਠਾਣੇਦਾਰ, ਅੰਗਰੇਜ ਸਿੰਘ ਮਸੌਣ, ਧਰਮਿੰਦਰ ਸਿੰਘ ਬੱਖਾ ਖ਼ਾਲਸਾ ਅਕਾਲੀ ਦਲ ਬਾਦਲ, ਵਰਿੰਦਰ ਸਿੰਘ ਵਿੱਕੀ ਮਸੌਣ, ਬੂਟਾ ਸਿੰਘ, ਕੇਵਲ ਸਿੰਘ ਸਾਰੇ ਦੋਦਾ ਤੋਂ ਹਾਜ਼ਰ ਸਨ।

ਪਿਛਲੀ ਖ਼ਬਰ ਪਿੰਡ ਲੰਡੇਰੋਡੇ, ਜੱਸੇਆਣਾ ਤੇ ਮਾਂਗਟਕੇਰ ਵਿਖੇ ਦਸਤਾਵੇਜ਼ੀ ਫ਼ਿਲਮ ਦਿਖਾਈ ਅਗਲੀ ਖ਼ਬਰ ਰਾਤ 7 ਵਜੇ ਤੋਂ ਸਵੇਰੇ 10 ਵਜੇ ਤੱਕ ਝੋਨੇ ਦੀ ਕਟਾਈ ਕਰਨ ’ਤੇ ਲਗਾਈ ਰੋਕ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਸਵ. ਮਾਸਟਰ ਸੁਰਿੰਦਰ ਕੁਮਾਰ ਦੀ ਯਾਦ ’ਚ 51 ਹਜ਼ਾਰ ਰੁਪਏ ਸਕੂਲ ਲਈ ਦਾਨ ਕੀਤੇ

Subscribers Only Story

ਸੰਬੰਧਿਤ ਖ਼ਬਰਾਂ