ਮਾਨਸਾ, 30 ਅਪ੍ਰੈਲ (ਰਾਵਿੰਦਰ ਸਿੰਘ ਰਵੀ)-ਆਈ.ਸੀ.ਐੱਸ.ਈ ਤੇ ਆਈ.ਐੱਸ. ਸੀ. ਵਲੋਂ ਐਲਾਨੇ ਦਸਵੀਂ ਤੇ ਬਾਰ੍ਹਵੀਂ ਦੇ ਨਤੀਜੇ 'ਚੋਂ ਸਥਾਨਕ 'ਦਾ ਰੈਨੇਸਾਂ ਸਕੂਲ ਦੇ ਵਿਦਿਆਰਥੀਆਂ ਨੇ ਮੱਲਾਂ ਮਾਰੀਆਂ ਹਨ | ਦਸਵੀਂ ਜਮਾਤ 'ਚੋਂ ਅਵਨੀਤ ਕੌਰ ਨੇ 98.6 ਪ੍ਰਤੀਸ਼ਤ ਅੰਕ ਲੈ ਕੇ ਪਹਿਲਾ ਸਥਾਨ ਹਾਸਲ ਕੀਤਾ ਜਦਕਿ ਪ੍ਰਾਚੀ ਨੇ 95.2 ਫ਼ੀਸਦੀ ਅੰਕ ਹਾਸਲ ਕਰ ਕੇ ਦੂਜਾ ਤੇ ਗੁਰਜੋਤ ਸਿੰਘ ਚਹਿਲ ਨੇ 94.2 ਪ੍ਰਤੀਸ਼ਤ ਨਾਲ ਤੀਜਾ ਸਥਾਨ ਪ੍ਰਾਪਤ ਕੀਤਾ | ਇਸੇ ਤਰ੍ਹਾਂ ਬਾਰ੍ਹਵੀਂ ਆਰਟਸ ਗਰੁੱਪ 'ਚੋਂ ਹਰਸਿਮਰਨ ਕੌਰ ਨੇ 96, ਪਾਇਲਦੀਪ ਕੌਰ ਨੇ 93 ਤੇ ਪੁਸ਼ਪਿੰਦਰ ਕੌਰ ਨੇ 92.75, ਕਾਮਰਸ 'ਚੋਂ ਮਨਦੀਪ ਕੌਰ ਨੇ 91.5, ਟਿੰਮਪ੍ਰੀਤ ਕੌਰ ਨੇ 89, ਅੰਮਿ੍ਤਪਾਲ ਕੌਰ ਨੇ 88, ਮੈਡੀਕਲ ਵਿਚੋਂ ਮੋਨਿਕਾ ਨੇ 92, ਰਮਨਪ੍ਰੀਤ ਕੌਰ ਨੇ 90.75, ਜਗਤਾਰ ਸਿੰਘ ਨੇ 89.5, ਨਾਨ- ਮੈਡੀਕਲ ਵਿਚੋਂ ਗਗਨਜੋਤ ਕੌਰ ਨੇ 93.75, ਰਜਿੰਦਰ ਸਿੰਘ ਨੇ 93.5 ਹਰਮੀਤ ਸਿੰਘ ਨੇ 91.5 ਪ੍ਰਤੀਸ਼ਤ ਅੰਕ ਲੈ ਕੇ ਕ੍ਰਮਵਾਰ ਪਹਿਲਾ, ਦੂਜਾ ਤੇ ਤੀਜਾ ਸਥਾਨ ਪ੍ਰਾਪਤ ਕੀਤਾ | ਸੰਸਥਾ ਦੇ ਚੇਅਰਮੈਨ ਡਾ. ਅਵਤਾਰ ਸਿੰਘ ਨੇ ਚੰਗੇ ਅੰਕ ਲੈਣ ਵਾਲੇ ਵਿਦਿਆਰਥੀਆਂ ਨੂੰ ਵਧਾਈ ਦਿੰਦਿਆਂ ਉਨ੍ਹਾਂ ਦੇ ਚੰਗੇ ਭਵਿੱਖ ਦੀ ਕਾਮਨਾ ਕੀਤੀ | ਉਨ੍ਹਾਂ ਕਿਹਾ ਕਿ ਸਕੂਲ 'ਚ ਪੜ੍ਹਾਈ ਦੇ ਨਾਲ ਨਾਲ ਸਹਿ ਗਤੀਵਿਧੀਆਂ ਕਰਵਾ ਕੇ ਵਿਦਿਆਰਥੀਆਂ ਦੀ ਸ਼ਖ਼ਸੀਅਤ ਨੂੰ ਨਿਖਾਰਨ ਲਈ ਵਿਸ਼ੇਸ਼ ਉਪਰਾਲੇ ਕੀਤੇ ਜਾਂਦੇ ਹਨ |
