ਜੋਗਾ, 24 ਮਈ (ਮਨਜੀਤ ਸਿੰਘ ਘੜੈਲੀ)- ਜੋਗਾ ਨਗਰ ਪੰਚਾਇਤ ਚੋਣਾਂ ਲਈ ਉਮੀਦਵਾਰਾਂ ਨੇ ਆਪਣੀਆਂ ਚੋਣ ਸਰਗਰਮੀਆਂ ਨੂੰ ਪੂਰਾ ਤੇਜ਼ ਕਰ ਰੱਖਿਆ ਹੈ | ਜੋਗਾ ਦੇ ਵਾਰਡ ਨੰਬਰ 5 ਚ ਚੋਣ ਮੁਹਿੰਮ ਪੂਰੇ ਸਿਖ਼ਰਾਂ 'ਤੇ ਹੈ | ਜੋਗਾ ਦਾ ਵਾਰਡ ਨੰਬਰ 5 ਅÏਰਤ ਲਈ ਰਾਖਵਾਂ ਹੈ | ਇਸ ਵਾਰਡ 'ਚ ਦੋ ਉਮੀਦਵਾਰ ਹੀ ਚੋਣ ਮੈਦਾਨ 'ਚ ਹਨ | ਇਸ ਵਾਰਡ 'ਚ ਕੁੱਲ ਵੋਟਰ 502 ਹਨ, ਜਿਸ ਵਿਚ ਮਰਦ ਵੋਟਰ 264 ਅਤੇ ਇਸਤਰੀ ਵੋਟਰਾਂ ਦੀ ਗਿਣਤੀ 238 ਹੈ | ਇਸ ਵਾਰਡ 'ਚ ਗੁਰਮੇਲ ਕੌਰ ਪਤਨੀ ਕਾਮਰੇਡ ਗੁਰਮੀਤ ਸਿੰਘ ਜੋਗਾ ਚੋਣ ਮੈਦਾਨ 'ਚ ਹਨ ਅਤੇ ਉਨ੍ਹਾਂ ਦੇ ਮੁਕਾਬਲੇ ਪਰਮਜੀਤ ਕੌਰ ਪਤਨੀ ਜਗਤਾਰ ਸਿੰਘ ਦਿਓਲ (ਸਾਂਝੇ ਮੋਰਚੇ ਵਲੋਂ) ਚੋਣ ਲੜ ਰਹੇ ਹਨ | ਇਸ ਵਾਰਡ 'ਚ ਉਮੀਦਵਾਰ ਪਰਮਜੀਤ ਕੌਰ ਪਤਨੀ ਜਗਤਾਰ ਸਿੰਘ ਦਿਓਲ ਵਲੋਂ ਚੋਣ ਮੁਹਿੰਮ ਜ਼ੋਰਾਂ-ਸ਼ੋਰਾਂ ਨਾਲ ਵਿੱਢੀ ਹੋਈ ਹੈ ਅਤੇ ਸਾਂਝੇ ਮੋਰਚੇ ਦਾ ਸਮਰਥਨ ਵੀ ਉਨ੍ਹਾਂ ਨੂੰ ਪ੍ਰਾਪਤ ਹੈ | ਦੂਸਰੇ ਪਾਸੇ ਨਗਰ ਪੰਚਾਇਤ ਜੋਗਾ ਦੇ ਸਾਬਕਾ ਪ੍ਰਧਾਨ ਕਾਮਰੇਡ ਗੁਰਮੀਤ ਸਿੰਘ ਜੋਗਾ ਦੀ ਪਤਨੀ ਗੁਰਮੇਲ ਕੌਰ ਵੀ ਪੂਰੇ ਸਰਗਰਮ ਨਜ਼ਰ ਆ ਰਹੇ ਹਨ ਅਤੇ ਉਨ੍ਹਾਂ ਵੀ ਚੋਣ ਸਰਗਰਮੀ ਪੂਰੀ ਤੇਜ਼ ਕੀਤੀ ਹੋਈ ਹੈ | ਇਨ੍ਹਾਂ ਦੋਵਾਂ ਉਮੀਦਵਾਰਾਂ ਦੀ ਚੋਣ ਸਰਗਰਮੀ ਪੂਰੇ ਸਿਖ਼ਰਾਂ 'ਤੇ ਚੱਲ ਰਹੀ ਹੈ, ਡੋਰ ਟੂ ਡੋਰ ਕੀਤਾ ਜਾ ਰਿਹਾ ਹੈ ਅਤੇ ਵੋਟਰਾਂ ਦੇ ਘਰ-ਘਰ ਪਹੁੰਚ ਕੀਤੀ ਜਾ ਰਹੀ ਹੈ | ਇਸ ਵਾਰਡ 'ਚ ਵੀ ਚੋਣ ਮੁਕਾਬਲਾ ਕਾਫੀ ਰੌਚਕ ਰਹਿਣ ਦੀ ਸੰਭਾਵਨਾ ਹੈ |
