ਸਰਦੂਲਗੜ੍ਹ, 26 ਜੂਨ (ਜੀ.ਐਮ.ਅਰੋੜਾ)- ਬੀਤੀ ਰਾਤ ਟਰੈਫ਼ਿਕ ਨਿਯਮਾਂ ਦੀਆਂ ਧੱਜੀਆਂ ਉਡਾ ਕੇ ਸਰਦੂਲਗੜ੍ਹ ਵਿਚੋਂ ਲੰਘਦੀ ਨੈਸ਼ਨਲ ਹਾਈਵੇ ਤੇ ਟਰੈਕਟਰ ਟਰਾਲੀ ਓਵਰਲੋਡ ਤੂੜੀ ਲਿਜਾ ਰਿਹਾ ਪਲਟ ਗਿਆ ਜਿਸ ਕਾਰਨ ਹਾਈਵੇ ਤੇ ਸਰਸਾ ਵਾਲੀ ਸਾਈਡ ਜਾਣ ਵਾਲੇ ਵਾਹਨ ਚਾਲਕਾਂ ਨੂੰ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ, ਜਿਸ ਦੌਰਾਨ ਟਰੈਫ਼ਿਕ ਨੂੰ ਕਈ ਘੰਟੇ ਦੂਜੀ ਸਾਈਡ ਤੋਂ ਵੀ ਜਾਣਾ ਪਿਆ। ਪੰਜਾਬ ਪੁਲਿਸ ਵਲੋਂ ਭਾਵੇਂ ਰੋਜ਼ਾਨਾ ਸ਼ਹਿਰ ਅੰਦਰ ਦੋ-ਪਹੀਆ ਅਤੇ ਚਾਰ-ਪਹੀਆ ਵਹੀਕਲਾਂ ਦੇ ਚਲਾਨ ਆਊਟ ਸਾਈਡ, ਬਿਨਾਂ ਹੈਲਮਟ, 3 ਸਵਾਰੀਆਂ ਦੇ ਕੱਟੇ ਜਾਂਦੇ ਹਨ ਪਰ ਇਨ੍ਹਾਂ ਓਵਰਲੋਡ ਟਰਾਲਿਆਂ ਨੂੰ ਪਤਾ ਨਹੀਂ ਕਿਉਂ ਅਣਗੌਲਿਆ ਕਰ ਦਿੱਤਾ ਜਾਂਦਾ ਹੈ। ਟਰਾਲਾ ਕਈ ਘੰਟਿਆਂ ਬਾਅਦ ਪਾਸੇ ਹੋਣ ਤੋਂ ਬਾਅਦ ਟਰੈਫ਼ਿਕ ਸਹੀ ਤਰੀਕੇ ਨਾਲ ਚੱਲ ਸਕੀ।
