ਸੱਤਪਾਲ ਸਿੰਘ ਸਹਿਕਾਰੀ ਖੇਤੀਬਾੜੀ ਸਭਾ ਕਾਹਨਗੜ੍ਹ ਦੇ ਪ੍ਰਧਾਨ ਬਣੇ

ਬਰੇਟਾ, 30 ਜੂਨ (ਪਾਲ ਸਿੰਘ ਮੰਡੇਰ)- ਕਾਹਨਗੜ੍ਹ ਬਹੁਮੰਤਵੀ ਸਹਿਕਾਰੀ ਖੇਤੀਬਾੜੀ ਸਭਾ ਲਿਮਟਿਡ ਕਾਹਨਗੜ੍ਹ ਕਮੇਟੀ ਦੀ ਚੋਣ ’ਚ ਸੱਤਪਾਲ ਸਿੰਘ ਨੰਬਰਦਾਰ ਨੂੰ ਸਰਬਸੰਮਤੀ ਨਾਲ ਪ੍ਰਧਾਨ ਚੁਣਿਆ ਗਿਆ। ਇਸ ਤੋਂ ਇਲਾਵਾ ਦਰਸ਼ਨ ਸਿੰਘ ਅਤੇ ਰਘਵੀਰ ਸਿੰਘ ਨੂੰ ਸੀਨੀਅਰ ਮੀਤ ਪ੍ਰਧਾਨ ਚੁਣਿਆ ਗਿਆ, ਜਦਕਿ ਪਾਲ ਕੌਰ ਬਖਸ਼ੀਵਾਲਾ, ਜਰਨੈਲ ਸਿੰਘ ਕਾਹਨਗੜ੍ਹ, ਅਮਰੀਕ ਸਿੰਘ ਕਾਹਨਗੜ੍ਹ ਅਤੇ ਜਸਵਿੰਦਰ ਕੌਰ ਕਾਹਨਗੜ੍ਹ ਨੂੰ ਮੈਂਬਰ ਬਣਾਇਆ ਗਿਆ । ਨਵ-ਨਿਯੁਕਤ ਪ੍ਰਧਾਨ ਸੱਤਪਾਲ ਸਿੰਘ ਨੇ ਵਿਸ਼ਵਾਸ ਦਿਵਾਇਆ ਕਿ ਉਹ ਸਭਾ ਦੀ ਬਿਹਤਰੀ ਲਈ ਹਮੇਸ਼ਾ ਤਤਪਰ ਰਹਿਣਗੇ ਅਤੇ ਇਮਾਨਦਾਰੀ ਨਾਲ ਕੰਮ ਕਰਨਗੇ। ਇਸ ਮੌਕੇ ਖੱਤਰੀਵਾਲਾ ਸਭਾ ਦੇ ਸਕੱਤਰ ਮੇਹਰ ਚੰਦ ਅਤੇ ਥਾਣਾ ਬਰੇਟਾ ਮੁਖੀ ਗੁਲੇਸ਼ਵਰ ਕੁਮਾਰ ਵੀ ਹਾਜ਼ਰ ਸਨ।