ਕਪੂਰਥਲਾ, 14 ਮਈ (ਅਮਰਜੀਤ ਕੋਮਲ)-ਨਗਰ ਨਿਗਮ ਕਪੂਰਥਲਾ ਦੇ 50 ਵਾਰਡਾਂ ਦੀ 26 ਮਈ ਨੂੰ ਹੋਣ ਵਾਲੀ ਚੋਣ ਲਈ ਪੰਜਾਬ ਸਰਕਾਰ ਵਲੋਂ ਵੱਖ-ਵੱਖ ਵਾਰਡ ਅਨੁਸੂਚਿਤ ਜਾਤੀ, ਅਨੁਸੂਚਿਤ ਜਾਤੀ ਔਰਤਾਂ, ਪਛੜੀਆਂ ਸ਼ੇ੍ਰਣੀਆਂ, ਔਰਤਾਂ ਤੇ ਜਨਰਲ ਕੈਟਾਗਰੀ ਲਈ ਰਿਜ਼ਰਵ ਕੀਤੇ ਗਏ ਹਨ | ਪ੍ਰਾਪਤ ਜਾਣਕਾਰੀ ਅਨੁਸਾਰ ਨਿਗਮ ਦੇ ਵਾਰਡ 35, 41, 43, 45 ਤੇ 47 ਅਨੁਸੂਚਿਤ ਜਾਤੀ ਲਈ, 32, 34, 40, 42, 46 ਤੇ 48 ਅਨੁਸੂਚਿਤ ਜਾਤੀ ਔਰਤਾਂ ਲਈ, ਵਾਰਡ 20 ਤੇ 36 ਪਛੜੀਆਂ ਸ਼ੇ੍ਰਣੀਆਂ ਲਈ ਤੇ ਵਾਰਡ 2, 4, 6, 8, 10, 12, 14, 16, 18, 21, 22, 24, 26, 28, 30, 37, 38, 44 ਤੇ 50 ਔਰਤਾਂ ਲਈ ਰਿਜ਼ਰਵ ਕੀਤੇ ਗਏ ਹਨ | ਇਸੇ ਤਰ੍ਹਾਂ ਵਾਰਡ ਨੰਬਰ 1, 3, 5, 7, 9, 11, 13, 15, 17, 19, 23, 25, 27, 29, 31, 33, 39 ਤੇ 49 ਜਨਰਲ ਕੈਟਾਗਰੀ ਲਈ ਰਾਖਵਾਂ ਕੀਤਾ ਗਿਆ ਹੈ | ਸੱਤਾਧਾਰੀ ਪਾਰਟੀ ਵਲੋਂ ਨਿਗਮ ਦੀ ਚੋਣ ਵਿਚ ਲਾਹਾ ਲੈਣ ਲਈ ਕਥਿਤ ਤੌਰ 'ਤੇ ਮਨਮਾਨੇ ਢੰਗ ਨਾਲ ਵਾਰਡਾਂ ਵਿਚ ਕੀਤੇ ਗਏ ਰਾਖਵੇਂਕਰਨ ਕਾਰਨ ਵੱਖ-ਵੱਖ ਰਾਜਸੀ ਪਾਰਟੀਆਂ ਨੂੰ ਸਬੰਧਿਤ ਵਾਰਡਾਂ ਵਿਚ ਉਮੀਦਵਾਰ ਖੜੇ ਕਰਨ ਲਈ ਦੋ ਚਾਰ ਹੋਣਾ ਪੈ ਰਿਹਾ ਹੈ |
