ਬੇਗੋਵਾਲ, 24 ਜੁਲਾਈ (ਸੁਖਜਿੰਦਰ ਸਿੰਘ)- ਇਲਾਕੇ ਦੀ ਨਾਮਵਰ ਸੰਸਥਾ ਸੰਤ ਪ੍ਰਣਪਾਲ ਸਿੰਘ ਕਾਨਵੈਂਟ ਸਕੂਲ ਬੇਗੋਵਾਲ ਵਿਖੇ ਅਕਾਦਮਿਕ ਸੈਸ਼ਨ 2026-27 ਲਈ ਇਨਵੈਸਟੀਚਰ ਸਮਾਗਮ ਬੜੀ ਸ਼ਾਨੋ-ਸ਼ੌਕਤ ਨਾਲ ਸਕੂਲ ਦੇ ਚੇਅਰਮੈਨ ਜਸਬੀਰ ਸਿੰਘ ਤੇ ਪਿ੍ੰਸੀਪਲ ਦੀ ਅਗਵਾਈ ਹੇਠ ਉਤਸ਼ਾਹ ਨਾਲ ਆਯੋਜਿਤ ਕੀਤਾ ਗਿਆ | ਇਸ ਸਮਾਗਮ ਦਾ ਉਦੇਸ਼ ਵਿਦਿਆਰਥੀਆਂ ਵਿਚ ਅਗਵਾਈ ਅਨੁਸ਼ਾਸਨ, ਜ਼ਿੰਮੇਵਾਰੀ ਤੇ ਸੇਵਾ-ਭਾਵਨਾ ਨੂੰ ਪ੍ਰਫੁੱਲਿਤ ਕਰਨਾ ਸੀ | ਇਸ ਮੌਕੇ 12ਵੀਂ ਕਾਮਰਸ ਦਾ ਵਿਦਿਆਰਥੀ ਸਕਸ਼ਮ ਸੇਠੀ ਹੈੱਡ ਬੁਆਏ ਤੇ 12ਵੀਂ ਸਾਇੰਸ ਦੀ ਵਿਦਿਆਰਥਣ ਪ੍ਰਭਜੋਤ ਕੌਰ ਨੂੰ ਹੈੱਡ ਗਰਲ ਚੁਣਿਆ ਗਿਆ | ਇਸ ਮੌਕੇ 12ਵੀਂ ਸਾਇੰਸ ਦੇ ਪ੍ਰਭਗੁਣ ਸਿੰਘ ਤੇ 12ਵੀਂ ਕਾਮਰਸ ਦੀ ਪਿ੍ੰਸੀ ਕਾਟਲਾ ਨੂੰ ਉਪ-ਹੈੱਡ ਬੁਆਏ ਅਤੇ ਉਪ-ਹੈੱਡ ਗਰਲ, 11ਵੀਂ ਕਾਮਰਸ ਦੇ ਗੁਰਵੀਰ ਸਿੰਘ ਅਤੇ 12ਵੀਂ ਸਾਇੰਸ ਦੀ ਪਲਕਪ੍ਰੀਤ ਕੌਰ ਨੂੰ ਡਿਪਟੀ ਹੈੱਡ ਬੁਆਏ ਅਤੇ ਡਿਪਟੀ ਹੈੱਡ ਗਰਲ ਚੁਣਿਆ ਗਿਆ | ਇਸ ਤੋਂ ਇਲਾਵਾ ਸਕੂਲ ਵਿਖੇ ਹੋਣ ਵਾਲੀਆਂ ਸਾਲਾਨਾ ਗਤੀਵਿਧੀਆਂ ਲਈ ਵੱਖ-ਵੱਖ ਹਾਊਸਾਂ ਦੇ ਕੈਪਟਨ ਅਤੇ ਉਪ-ਕੈਪਟਨ ਚੁਣੇ ਗਏ | ਵੈਨਚਰ ਹਾਊਸ ਦੇ ਕੈਪਟਨ ਵਜੋਂ 11ਵੀਂ ਕਾਮਰਸ ਦੀ ਮਨਜੋਤ ਕੌਰ ਅਤੇ ਉਪ-ਕੈਪਟਨ ਵਜੋਂ ਦਸਵੀਂ ਲੋਟਸ ਦੀ ਗੁਰਲੀਨ ਕੌਰ ਨੇ ਸਹੁੰ ਚੁੱਕੀ | ਵਿਕਟਰੀ ਹਾਊਸ ਦੇ ਕੈਪਟਨ ਵਜੋਂ 11ਵੀਂ ਕਾਮਰਸ ਦੇ ਜਸ਼ਨਪ੍ਰੀਤ ਸਿੰਘ ਅਤੇ ਉਪ-ਕੈਪਟਨ ਵਜੋਂ 11ਵੀਂ ਸਾਇੰਸ ਦੀ ਰਵਨੀਤ ਕੌਰ ਨੇ ਸਹੁੰ ਚੁੱਕੀ | ਵਰਚਿਉ ਹਾਊਸ ਦੇ ਕੈਪਟਨ ਵਜੋਂ 11ਵੀਂ ਸਾਇੰਸ ਦੀ ਨਮਨਪ੍ਰੀਤ ਕੌਰ ਤੇ ਉਪ-ਕੈਪਟਨ ਵਜੋਂ 11ਵੀਂ ਕਾਮਰਸ ਦੀ ਜੈਸਮੀਨ ਕੌਰ ਨੇ ਸਹੁੰ ਚੁੱਕੀ | ਵਿਜ਼ਨ ਹਾਊਸ ਦੇ ਕੈਪਟਨ ਵਜੋਂ 11ਵੀਂ ਸਾਇੰਸ ਦੀ ਨਵਰੂਪ ਕੌਰ ਅਤੇ ਉਪ-ਕੈਪਟਨ ਵਜੋਂ 11ਵੀਂ ਸਾਇੰਸ ਦੇ ਆਦਰਸ਼ ਕਪਿਲ ਨੇ ਸਹੁੰ ਚੁੱਕੀ | ਵਿਦਿਆਰਥੀ ਆਗੂਆਂ ਨੇ ਸਕੂਲ ਦੇ ਅਨੁਸ਼ਾਸਨ, ਮਰਿਆਦਾ ਤੇ ਉੱਚ ਆਦਰਸ਼ਾਂ ਨੂੰ ਕਾਇਮ ਰੱਖਦਿਆਂ ਆਪਣੀਆਂ ਜ਼ਿੰਮੇਵਾਰੀਆਂ ਪੂਰੀ ਇਮਾਨਦਾਰੀ ਤੇ ਸਮਰਪਣ ਨਾਲ ਨਿਭਾਉਣ ਦੀ ਸਹੁੰ ਚੁੱਕੀ | ਇਸ ਸਮਾਗਮ ਦੌਰਾਨ ਸਕੂਲ ਦੇ ਸਪੋਰਟਸ ਕੈਪਟਨ ਵਜੋਂ 12ਵੀਂ ਕਾਮਰਸ ਦੇ ਰਣਵੀਰ ਸਿੰਘ ਤੇ ਉਪ- ਕੈਪਟਨ ਵਜੋਂ 10ਵੀਂ ਦੀ ਅਵਨੀਤ ਕੌਰ ਨੇ ਖੇਡ ਭਾਵਨਾ ਨੂੰ ਮੁੱਖ ਰੱਖਦੇ ਹੋਏ ਵਿਦਿਆਰਥੀਆਂ ਅੰਦਰ ਚੰਗੇ ਗੁਣਾਂ ਦਾ ਪਸਾਰ ਕਰਨ ਦੀ ਸਹੁੰ ਚੁੱਕੀ | ਇਸ ਦੌਰਾਨ ਵਿਦਿਆਰਥੀ ਕੈਬਿਨਟ ਵਿਚ 12ਵੀਂ ਕਾਮਰਸ ਦੀ ਮੁਸਕਾਨ ਬੱਗਾ, ਮਹਿਕਪ੍ਰੀਤ ਕੌਰ, ਰਵਨੀਤ ਕੌਰ, 12ਵੀਂ ਸਾਇੰਸ ਦੇ ਦਿਲਪ੍ਰੀਤ ਸਿੰਘ, ਜਪਨੀਤ ਕੌਰ ਅਤੇ ਰੂਪਪ੍ਰੀਤ ਕੌਰ ਨੂੰ ਮੈਂਬਰ ਚੁਣਿਆ ਗਿਆ | ਇਸ ਮੌਕੇ ਸਕੂਲ ਦੇ ਚੇਅਰਮੈਨ ਸ. ਜਸਬੀਰ ਸਿੰਘ ਜੀ ਅਤੇ ਪਿ੍ੰਸੀਪਲ ਦਾਮਿਨੀ ਸ਼ਰਮਾ ਨੇ ਚੁਣੇ ਗਏ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ | ਇਹ ਸਮਾਗਮ ਵਿਦਿਆਰਥੀਆਂ ਵਿਚ ਅਗਵਾਈ ਵਾਲੇ ਗੁਣਾਂ, ਆਤਮ-ਵਿਸ਼ਵਾਸ ਅਤੇ ਜ਼ਿੰਮੇਵਾਰੀ ਦੀ ਭਾਵਨਾ ਨੂੰ ਮਜ਼ਬੂਤ ਕਰਨ ਵਾਲਾ ਇੱਕ ਯਾਦਗਾਰ ਮੌਕਾ ਸਾਬਤ ਹੋਇਆ | ਇਸ ਮੌਕੇ ਸਕੂਲ ਦਾ ਸਮੂਹ ਸਟਾਫ਼ ਵੀ ਹਾਜ਼ਰ ਸੀ |
