ਸਾਵਣ ਮਹੀਨੇ ਮੌਕੇ ਸ਼ਿਵ ਮੰਦਰ ਬੱਸ ਸਟੈਂਡ ਵਿਖੇ ਖੀਰ ਤੇ ਮਾਲ ਪੂੜਿਆਂ ਦਾ ਲੰਗਰ ਲਗਾਇਆ

ਸੁਲਤਾਨਪੁਰ ਲੋਧੀ, 11 ਅਗਸਤ (ਨਰੇਸ਼ ਹੈਪੀ)-ਸਾਵਣ ਮਹੀਨੇ ਦੇ ਪਵਿੱਤਰ ਮੌਕੇ ‘ਤੇ ਸ਼ਿਵ ਮੰਦਰ ਬੱਸ ਸਟੈਂਡ ਸੁਲਤਾਨਪੁਰ ਲੋਧੀ ਵਿਖੇ ਸ਼ਰਧਾ ਭਾਵਨਾ ਨਾਲ ਖੀਰ ਤੇ ਮਾਲ ਪੂੜਿਆਂ ਦਾ ਲੰਗਰ ਲਗਾਇਆ ਗਿਆ | ਇਸ ਮੌਕੇ ਵੱਡੀ ਗਿਣਤੀ ਵਿਚ ਸ਼ਰਧਾਲੂਆਂ ਨੇ ਸ਼ਿਰਕਤ ਕੀਤੀ ਅਤੇ ਪ੍ਰਸ਼ਾਦ ਰੂਪੀ ਖੀਰ ਤੇ ਮਾਲ ਪੂੜਿਆਂ ਦਾ ਲੰਗਰ ਛਕਿਆ | ਇਸ ਮੌਕੇ ਕੌਂਸਲਰ ਜਤਿੰਦਰ ਸੇਠੀ ਨੇ ਵਿਸ਼ੇਸ਼ ਤੌਰ ‘ਤੇ ਸ਼ਿਰਕਤ ਕੀਤੀ ਅਤੇ ਸੇਵਾਦਾਰਾਂ ਵੱਲੋਂ ਕੀਤੇ ਜਾ ਰਹੇ ਸੇਵਾ ਕਾਰਜ ਦੀ ਸ਼ਲਾਘਾ ਕੀਤੀ | ਉਨ੍ਹਾਂ ਕਿਹਾ ਕਿ ਸਾਵਣ ਮਹੀਨਾ ਸਾਡੇ ਧਾਰਮਿਕ ਅਤੇ ਸਭਿਆਚਾਰਕ ਜੀਵਨ ਵਿਚ ਵਿਸ਼ੇਸ਼ ਮਹੱਤਵ ਰੱਖਦਾ ਹੈ | ਉਨ੍ਹਾਂ ਲੰਗਰ ਦੇ ਪ੍ਰਬੰਧਕਾਂ ਤੇ ਸਮੂਹ ਸੇਵਾਦਾਰਾਂ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਆਪਣਾ ਕੀਮਤੀ ਸਮਾਂ ਕੱਢ ਕੇ ਨਿਸ਼ਕਾਮ ਭਾਵਨਾ ਨਾਲ ਸੇਵਾ ਕਰਨਾ ਆਪਣੇ ਆਪ ਵਿਚ ਇੱਕ ਮਹਾਨ ਕਾਰਜ ਹੈ | ਉਨ੍ਹਾਂ ਸਮੂਹ ਸੰਗਤ ਤੇ ਇਲਾਕਾ ਵਾਸੀਆਂ ਨੂੰ ਸਾਵਣ ਮਹੀਨੇ ਦੀਆਂ ਸ਼ੁੱਭ ਕਾਮਨਾਵਾਂ ਦਿੱਤੀਆਂ | ਇਸ ਮੌਕੇ ਪ੍ਰਬੰਧਕ ਸੰਦੀਪ ਕੁਮਾਰ ਸੋਨੂੰ, ਰਾਜਨ ਸਵਾਲ, ਮਨਦੀਪ ਕੌਰ, ਆਸਥਾ, ਅਮਨ, ਰੋਜ਼ੀ ਸ਼ਰਮਾ, ਸ਼ਸ਼ੀ ਮੋਗਲਾ, ਕਿ ਰਨ, ਗੋਲਡੀ ਸ਼ਰਮਾ, ਰਮਾ ਰਾਣੀ ਸ਼ਰਮਾ, ਯਸ਼ਿਕਾ ਸ਼ਰਮਾ, ਭਾਵਨਾ ਬਜਾਜ, ਪੂਜਾ ਚਾਵਲਾ, ਮੀਨਾ ਕੋਹਲੀ, ਇਸ਼ਾ ਚਾਵਲਾ, ਰਾਜਿੰਦਰ ਕੌਰ, ਬਲਵੀਰ ਕੌਰ, ਪ੍ਰਵੀਨ ਵਧਵਾ, ਸ਼ਿਵਮ, ਸੁਮਿਤ ਕੰਡਾ, ਉਰਮਿਲਾ ਪਸਰੀਚਾ, ਦਰਸ਼ਨਾਂ ਰਾਣੀ ਪਸਰੀਚਾ ਤੇ ਪੰਡਿਤ ਹਰਦੀਪ ਸ਼ਰਮਾ ਆਦਿ ਮੌਜੂਦ ਸਨ |