ਪੰਜਾਬ ਖੇਤੀਬਾੜੀ ਯੂਨੀ. ਦੇਸ਼ ਦੀਆਂ 67 ਯੂਨੀਵਰਸਿਟੀਆਂ 'ਚੋਂ ਸਿਖ਼ਰ 'ਤੇ

ਲੁਧਿਆਣਾ, 17 ਜੂਨ (ਜਗਮੀਤ ਸਿੰਘ)-ਦੇਸ਼ ਭਰ ਦੀਆਂ ਸੰਸਥਾਵਾਂ ਨੂੰ ਉਨ੍ਹਾਂ ਦੇ ਕਾਰਜ ਅਤੇ ਯੋਗਦਾਨ ਦੇ ਆਧਾਰ ਉਤੇ ਦਰਜਾਬੰਦੀ ਦੇਣ ਵਾਲੀ ਏਜੰਸੀ ਇੰਡੀਅਨ ਇੰਸਟੀਟਿਊਸ਼ਨ ਰੈਂਕਿੰਗ ਫਰੇਮਵਰਕ (ਆਈ.ਆਈ.ਆਰ.ਐੱਫ.) ਦੀ ਜਾਰੀ ਹੋਈ 2025 ਦੀ ਦਰਜਾਬੰਦੀ ਵਿਚ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ, ਲੁਧਿਆਣਾ (ਪੀ.ਏ.ਯੂ.) ਨੇ ਦੇਸ਼ ਦੀਆਂ 67 ਰਾਜ ਖੇਤੀ ਯੂਨੀਵਰਸਿਟੀਆਂ ਵਿਚੋਂ ਸਿਖਰਲਾ ਸਥਾਨ ਹਾਸਿਲ ਕੀਤਾ ਹੈ। ਇਹੀ ਨਹੀਂ ਪੀ.ਏ.ਯੂ. ਨੇ ਦੇਸ਼ ਭਰ ਦੇ 78 ਖੇਤੀ ਸੰਸਥਾਨਾਂ ਵਿਚੋਂ ਦੂਸਰਾ ਦਰਜਾ ਵੀ ਇਸ ਦਰਜਾਬੰਦੀ ਅਨੁਸਾਰ ਹਾਸਿਲ ਕੀਤਾ। ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਨੂੰ ਲਗਾਤਾਰ ਤੀਸਰੇ ਸਾਲ ਰਾਜ ਖੇਤੀ ਯੂਨੀਵਰਸਿਟੀਆਂ ’ਚ ਸਿਖਰਲਾ ਸਥਾਨ ਮਿਲਿਆ ਹੈ।