ਬਿਕਰਮ ਸਿੰਘ ਮਜੀਠੀਆ ਦੇ ਸਹੁਰੇ ਪਿੰਡ ਖੇੜੀ ਵੀ ਵਿਜੀਲੈਂਸ ਵਲੋਂ ਛਾਪੇਮਾਰੀ

ਸੁਨਾਮ, ਊਧਮ ਸਿੰਘ ਵਾਲਾ, 25 ਜੂਨ (ਰੁਪਿੰਦਰ ਸਿੰਘ ਸੱਗੂ)-ਸਾਬਕਾ ਮੰਤਰੀ ਪੰਜਾਬ ਅਤੇ ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਦੇ ਸੀਨੀਅਰ ਆਗੂ ਸਰਦਾਰ ਬਿਕਰਮ ਸਿੰਘ ਮਜੀਠੀਆਂ ਨੂੰ ਜਿਥੇ ਅੱਜ ਵਿਜੀਲੈਂਸ ਵਿਭਾਗ ਵਲੋਂ ਗ੍ਰਿਫਤਾਰ ਕੀਤਾ ਗਿਆ ਹੈ, ਉਥੇ ਹੀ ਸ. ਮਜੀਠੀਆ ਦੇ ਸਹੁਰੇ ਜੋ ਕਿ ਪਿੰਡ ਖੇੜੀ ਹਨ, ਉੁਥੇ ਵੀ ਵਿਜੀਲੈਂਸ ਵਿਭਾਗ ਦੀ ਟੀਮ ਵਲੋਂ ਪਿੰਡ ਖੇੜੀ ਸਹੁਰੇ ਘਰ ਛਾਪੇਮਾਰੀ ਕੀਤੀ ਗਈ ਪਰ ਇਥੇ ਮਜੀਠੀਆ ਦੇ ਸਹੁਰੇ ਪਰਿਵਾਰ ਦੇ ਘਰ ਤਾਲੇ ਲੱਗੇ ਹੋਣ ਕਾਰਨ ਵਿਜੀਲੈਂਸ ਦੀ ਟੀਮ ਹੱਥ ਕੁਝ ਵੀ ਨਹੀਂ ਲੱਗਾ ਅਤੇ ਵਿਜੀਲੈਂਸ ਦੀ ਟੀਮ ਉੁਥੇ ਹਾਜ਼ਰ ਕੁਝ ਲੋਕਾਂ ਤੋਂ ਹੀ ਪੁੱਛਗਿੱਛ ਕਰਕੇ ਵਾਪਸ ਮੁੜ ਗਈ। ਜ਼ਿਕਰਯੋਗ ਹੈ ਕਿ ਸ. ਮਜੀਠੀਆ ਦੇ ਸਹੁਰੇ ਭਾਵੇਂ ਪਿੰਡ ਖੇੜੀ ਵਿਖੇ ਹਨ ਪਰ ਉਨ੍ਹਾਂ ਦੇ ਸਹੁਰੇ ਪਰਿਵਾਰ ਸਾਰੇ ਮੈਂਬਰ ਬਾਹਰ ਦਿੱਲੀ ਰਹਿੰਦੇ ਹਨ ਅਤੇ ਉਨ੍ਹਾਂ ਦੇ ਪਿੰਡ ਜ਼ਮੀਨ ਵਗੈਰਾ ਹੋਣ ਦੇ ਨਾਲ ਜੱਦੀ ਘਰ ਪਿੰਡ ਖੇੜੀ ਵਿਖੇ ਵੀ ਹਨ।