ਦੁਬਈ, 10 ਮਾਰਚ (ਏ.ਪੀ.)-ਇਕ ਉੱਚ ਈਰਾਨੀ ਸੁਰੱਖਿਆ ਅਧਿਕਾਰੀ ਨੇ ਇਕ ਔਨਲਾਈਨ ਸੰਦੇਸ਼ ’ਚ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੂੰ ਧਮਕੀ ਦਿੱਤੀ ਹੈ। ਅਲੀ ਲਾਰੀਜਾਨੀ ਨੇ ਐਕਸ ਉਤੇ ਮੰਗਲਵਾਰ ਨੂੰ ਇਹ ਸੰਦੇਸ਼ ਉਦੋਂ ਲਿਖਿਆ ਜਦੋਂ ਟਰੰਪ ਨੇ ਧਮਕੀ ਦਿੱਤੀ ਸੀ ਕਿ ਜੇਕਰ ਤਹਿਰਾਨ ਨੇ ਹੋਰਮੁਜ਼ ਜਲਡਮਰੂ ’ਚੋਂ ਤੇਲ ਦੀ ਸਪਲਾਈ ਬੰਦ ਕਰ ਦਿੱਤੀ ਤਾਂ ਉਹ ਈਰਾਨ 'ਤੇ "ਵੀਹ ਗੁਣਾ ਸਖ਼ਤ" ਹਮਲਾ ਕਰਨਗੇ।
ਲਾਰੀਜਾਨੀ ਨੇ ਲਿਖਿਆ: "ਈਰਾਨ ਦਾ ਕੁਰਬਾਨੀ ਦੇਣ ਵਾਲਾ ਦੇਸ਼ ਤੁਹਾਡੀਆਂ ਖਾਲੀ ਧਮਕੀਆਂ ਤੋਂ ਨਹੀਂ ਡਰਦਾ। ਤੁਹਾਡੇ ਤੋਂ ਵੱਡੇ ਲੋਕ ਵੀ ਈਰਾਨ ਨੂੰ ਖਤਮ ਨਹੀਂ ਕਰ ਸਕਦੇ। ਸਾਵਧਾਨ ਰਹੋ ਤੇ ਆਪਣੇ ਆਪ ਨੂੰ ਖਤਮ ਨਾ ਕਰੋ।" ਈਰਾਨ 'ਤੇ ਪਹਿਲਾਂ ਵੀ ਟਰੰਪ ਨੂੰ ਮਾਰਨ ਦੀਆਂ ਕੋਸ਼ਿਸ਼ਾਂ ਦੀ ਸਾਜ਼ਿਸ਼ ਰਚਣ ਦਾ ਦੋਸ਼ ਲਗਾਇਆ ਗਿਆ ਹੈ।
