ਕਰਨਾਟਕ : ਸੜਕ ਹਾਦਸੇ ਵਿਚ 3 ਔਰਤਾਂ ਦੀ ਮੌਤ, 8 ਜ਼ਖਮੀ

ਬੈਂਗਲੁਰੂ (ਕਰਨਾਟਕ), 22 ਮਾਰਚ - ਬੈਂਗਲੁਰੂ ਦਿਹਾਤੀ ਜ਼ਿਲ੍ਹੇ ਦੇ ਦੇਵਨਾਹੱਲੀ ਦੇ ਬਾਹਰਵਾਰ ਰਾਣੀ ਕਰਾਸ ਨੇੜੇ ਇਕ ਸੜਕ ਹਾਦਸੇ ਵਿਚ ਤਿੰਨ ਔਰਤਾਂ ਦੀ ਮੌਤ ਹੋ ਗਈ, ਅੱਠ ਜ਼ਖਮੀ ਹੋ ਗਏ। ਇਹ ਹਾਦਸਾ ਐਨਐਚ-648 'ਤੇ ਵਾਪਰਿਆ, ਜੋ ਹੋਸਕੋਟ ਅਤੇ ਦਬਾਸਪੇਟ ਨੂੰ ਜੋੜਦਾ ਹੈ, 'ਤੇ ਉਸ ਸਮੇਂ ਵਾਪਰਿਆ ਜਦੋਂ ਇਕ ਲਾਰੀ ਹਾਈਵੇਅ ਤੋਂ ਸਰਵਿਸ ਰੋਡ 'ਤੇ ਦਾਖਲ ਹੋਣ ਵਾਲੇ ਇਕ ਟੀਟੀ ਵਾਹਨ ਨਾਲ ਟਕਰਾ ਗਈ। ਟੱਕਰ ਕਾਰਨ, ਟੀਟੀ ਵਾਹਨ ਦਾ ਇਕ ਹਿੱਸਾ ਪੂਰੀ ਤਰ੍ਹਾਂ ਕੁਚਲਿਆ ਗਿਆ।
ਮ੍ਰਿਤਕਾਂ ਦੀ ਪਛਾਣ ਜੈਅੰਮਾ (60), ਯਸ਼ੋਦਾਮਾ (60), ਅਤੇ ਗੰਗਾ (38) ਵਜੋਂ ਹੋਈ ਹੈ, ਇਹ ਸਾਰੇ ਤੁਮਾਕੁਰੂ ਜ਼ਿਲ੍ਹੇ ਦੇ ਟਿਪਟੂਰ ਦੇ ਰਹਿਣ ਵਾਲੇ ਹਨ। ਕੇਂਪਾਮਾ, ਜੋ ਕਿ ਟੀਟੀ ਵਾਹਨ ਵਿਚ ਵੀ ਹੀ ਸਵਾਰ ਸੀ, ਨੂੰ ਗੰਭੀਰ ਸੱਟਾਂ ਲੱਗੀਆਂ ਹਨ ਅਤੇ ਉਨ੍ਹਾਂ ਨੂੰ ਇਲਾਜ ਲਈ ਬੈਂਗਲੁਰੂ ਦੇ ਇਕ ਹਸਪਤਾਲ ਵਿਚ ਤਬਦੀਲ ਕਰ ਦਿੱਤਾ ਗਿਆ ਹੈ।ਦੇਵਨਾਹੱਲੀ ਟ੍ਰੈਫਿਕ ਪੁਲਿਸ ਸਟੇਸ਼ਨ ਵਿੱਚ ਇਕ ਮਾਮਲਾ ਦਰਜ ਕੀਤਾ ਗਿਆ ਹੈ, ਅਤੇ ਹੋਰ ਜਾਂਚ ਜਾਰੀ ਹੈ।