ਡੇਂਗੂ ਨਾਲ ਨੌਜਵਾਨ ਦੀ ਮੌਤ

ਝਬਾਲ (ਤਰਨਤਾਰਨ), 21 ਜੁਲਾਈ (ਸੁਖਦੇਵ ਸਿੰਘ) - ਅੱਡਾ ਝਬਾਲ ਵਿਖੇ ਡੇਂਗੂ ਨਾਲ ਨੌਜਵਾਨ ਵਰਦਾਨ (20 ਸਾਲ) ਪੁੱਤਰ ਤਰਸੇਮ ਕੁਮਾਰ ਦੀ ਮੌਤ ਹੋ ਗਈ। ਮ੍ਰਿਤਕ ਨੌਜਵਾਨ ਮਾਪਿਆਂ ਦਾ ਇਕਲੌਤਾ ਪੁੱਤਰ ਸੀ। ਵਰਦਾਨ ਦੇ ਪਿਤਾ ਜੋ ਕਿ ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਲਿਮਟਿਡ ਵਿਚ ਬਤੌਰ ਐਕਸੀਅਨ ਦੇ ਅਹੁਦੇ ਤੇ ਤਾਇਨਾਤ ਹਨ ਨੇ ਭਰੇ ਮਨ ਨਾਲ ਦੱਸਿਆ ਕਿ ਉਨ੍ਹਾਂ ਦੇ ਪੁੱਤਰ ਨੂੰ ਅਚਾਨਕ ਤੇਜ਼ ਬੁਖ਼ਾਰ ਹੋ ਗਿਆ, ਜਿਸ ਨੂੰ ਉਹ ਚੈਕਅੱਪ ਵਾਸਤੇ ਤੁਰੰਤ ਸਿਵਲ ਹਸਪਤਾਲ ਤਰਨਤਾਰਨ ਵਿਖੇ ਲੈ ਗਏ, ਜਿੱਥੇ ਤਾਇਨਾਤ ਡਾਕਟਰਾਂ ਨੇ ਉਸ ਨੂੰ ਅਮ੍ਰਿਤਸਰ ਭੇਜ ਦਿੱਤਾ। ਉਨਾਂ ਨੇ ਵਰਦਾਨ ਨੂੰ ਜੇਰੇ ਇਲਾਜ ਅਮ੍ਰਿਤਸਰ ਦੇ ਨਿੱਜੀ ਹਸਪਤਾਲ ਵਿਖੇ ਦਾਖਲ ਕਰਵਾ ਦਿੱਤਾ। ਖੂਨ ਦੀ ਜਾਂਚ ਕਰਨ ਤੋਂ ਬਾਅਦ ਉਸ ਨੂੰ ਡੇਂਗੂ ਬੁਖ਼ਾਰ ਤੇ ਸੈਲ ਘੱਟ ਆਏ। ਹਸਪਤਾਲ ਵਿਖੇ ਜੇਰੇ ਇਲਾਜ ਹੀ ਉਸ ਦੀ ਮੌਤ ਹੋ ਗਈ।