ਗੰਗਟੋਕ, 22 ਜੁਲਾਈ- ਸਿੱਕਮ ਵਿਚ ਪਣ-ਬਿਜਲੀ ਪ੍ਰੋਜੈਕਟ ਦੀ ਸੁਰੰਗ ਵਿਚ ਫਸੇ 25 ਵਿਚੋਂ 20 ਮਜ਼ਦੂਰਾਂ ਦੀਆਂ ਲਾਸ਼ਾਂ ਮੰਗਲਵਾਰ ਦੇਰ ਰਾਤ ਨੂੰ ਬਰਾਮਦ ਕਰ ਲਈਆਂ ਗਈਆਂ ਹਨ। ਬਚਾਅ ਟੀਮਾਂ ਦੇਰ ਰਾਤ ਤੱਕ ਬਾਕੀ ਪੰਜ ਮਜ਼ਦੂਰਾਂ ਤੱਕ ਨਹੀਂ ਪਹੁੰਚ ਸਕੀਆਂ। ਇਹ ਮਜ਼ਦੂਰ ਸੁਰੰਗ ਦੇ ਵੱਖ-ਵੱਖ ਸਥਾਨਾਂ 'ਤੇ ਫਸੇ ਹੋਏ ਸਨ। ਟੀਮਾਂ ਉਨ੍ਹਾਂ ਤੱਕ ਪਹੁੰਚਣ ਲਈ 24 ਘੰਟੇ ਸੰਘਰਸ਼ ਕਰ ਰਹੀਆਂ ਸਨ, ਪਰ ਸੁਰੰਗ ਵਿਚ ਭਰੀ ਮੀਥੇਨ ਗੈਸ ਕਾਰਨ ਬਹੁਤ ਸਾਰੇ ਬਚਾਅ ਕਰਮਚਾਰੀ ਬੇਹੋਸ਼ ਹੋ ਗਏ।
ਇਹ ਆਦਿਤ-3 ਸੁਰੰਗ ਹੈ, ਜੋ ਕਿ ਨਾਮਚੀ ਜ਼ਿਲ੍ਹੇ ਦੇ ਸਮਰਦੁੰਗ-ਝੋਲੁੰਗੇ ਵਿਚ ਬਣਾਏ ਜਾ ਰਹੇ ਤੀਸਤਾ ਪੜਾਅ-6 ਪ੍ਰੋਜੈਕਟ ਦਾ ਹਿੱਸਾ ਹੈ। ਇਹ ਪਟੇਲ ਇੰਜੀਨੀਅਰਿੰਗ ਕੰਪਨੀ ਦੁਆਰਾ ਬਣਾਈ ਜਾ ਰਹੀ ਸੀ।
