ਕਿਸਾਨ ਜਥੇਬੰਦੀਆਂ ਵਲੋਂ ਭਾਜਪਾ ਦਫ਼ਤਰ ਵੱਲ ਮਾਰਚ ਸ਼ੁਰੂ

 ਚੰਡੀਗੜ੍ਹ, 22 ਜੁਲਾਈ (ਅਜਾਇਬ ਸਿੰਘ ਔਜਲਾ)-  ਅੱਜ ਮਿਤੀ 22 ਜੁਲਾਈ ਨੂੰ, ਬੀ.ਕੇ.ਯੂ. (BKU) ਲੱਖੋਵਾਲ, ਪੇਂਡੂ ਸੰਘਰਸ਼ ਕਮੇਟੀ ਅਤੇ ਸਹਿਯੋਗੀ ਜਥੇਬੰਦੀਆਂ ਦੇ ਲਗਭਗ ਮੈਂਬਰਾਂ ਨੇ ਰਣਵੀਰ ਸਿੰਘ ਗਰੇਵਾਲ (ਪ੍ਰੈਸ ਸਕੱਤਰ, ਬੀ.ਕੇ.ਯੂ. ਲੱਖੋਵਾਲ) ਦੀ ਅਗਵਾਈ ਵਿਚ ਕਿਸਾਨ ਭਵਨ, ਸੈਕਟਰ-35, ਚੰਡੀਗੜ੍ਹ ਤੋਂ ਭਾਜਪਾ (BJP) ਦਫ਼ਤਰ ਸੈਕਟਰ 33 ਚੰਡੀਗੜ੍ਹ ਵੱਲ ਮਾਰਚ ਸ਼ੁਰੂ ਕੀਤਾ।ਉਹ ਭਾਰਤ-ਅਮਰੀਕਾ ਐਫ.ਟੀ.ਏ. (FTA - ਮੁਕਤ ਵਪਾਰ ਸਮਝੌਤੇ) ਖ਼ਿਲਾਫ਼ ਨਾਅਰੇਬਾਜ਼ੀ ਕਰ ਰਹੇ ਹਨ। ਯੂ.ਟੀ. ਪੁਲਿਸ ਨੇ ਉਨ੍ਹਾਂ ਨੂੰ ਕਿਸਾਨ ਭਵਨ ਸੈਕਟਰ 35 ਚੰਡੀਗੜ੍ਹ ਦੇ ਸਾਹਮਣੇ ਰੋਕ ਲਿਆ ਹੈ, ਅਤੇ ਯੂਨੀਅਨ ਵਲੋਂ ਬੈਰੀਕੇਡ ਤੋੜਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਅਤੇ ਅਖੀਰ ਬੈਰੀਕੇਡ ਤੋੜ ਕੇ ਅੱਗੇ ਵੱਧ ਗਏ, ਜਿਥੇ ਉਨ੍ਹਾਂ ਨੂੰ ਅੱਗੇ ਜਾ ਕੇ ਰੋਕ ਲਿਆ ਗਿਆ।