ਚੰਡੀਗੜ੍ਹ ਵਿਚ ਸੀ ਐਂਡ ਡੀ ਰਹਿੰਦ-ਖੂੰਹਦ ਦੀ ਕੋਈ ਅਨਿਯੰਤ੍ਰਿਤ ਡੰਪਿੰਗ ਨਹੀਂ ਹੈ - ਨਿਤਿਆਨੰਦ ਰਾਏ

ਨਵੀਂ ਦਿੱਲੀ, 28 ਜੁਲਾਈ - ਲੋਕ ਸਭਾ ਵਿੱਚ ਇਕ ਲਿਖਤੀ ਜਵਾਬ ਵਿਚ ਗ੍ਰਹਿ ਰਾਜ ਮੰਤਰੀ ਨਿਤਿਆਨੰਦ ਰਾਏ ਦੇ ਅਨੁਸਾਰ, ਚੰਡੀਗੜ੍ਹ ਨਗਰ ਨਿਗਮ ਨੇ ਆਪਣੇ ਅਧਿਕਾਰ ਖੇਤਰ ਵਿੱਚ ਉਸਾਰੀ ਅਤੇ ਢਾਹੁਣ (ਸੀ ਐਂਡ ਡੀ) ਰਹਿੰਦ-ਖੂੰਹਦ ਦੇ ਨਿਪਟਾਰੇ ਲਈ 23 ਥਾਵਾਂ ਸਥਾਪਤ ਕੀਤੀਆਂ ਹਨ।
ਉਨ੍ਹਾਂ ਕਿਹਾ ਕਿ ਚੰਡੀਗੜ੍ਹ ਸਾਲਾਨਾ ਲਗਭਗ 13,285 ਮੀਟ੍ਰਿਕ ਟਨ ਸੀ ਐਂਡ ਡੀ ਰਹਿੰਦ-ਖੂੰਹਦ ਪੈਦਾ ਕਰਦਾ ਹੈ, ਜਦੋਂ ਕਿ ਮੌਜੂਦਾ ਪ੍ਰੋਸੈਸਿੰਗ ਅਤੇ ਸੁਰੱਖਿਅਤ ਨਿਪਟਾਰੇ ਦੀ ਸਮਰੱਥਾ ਪ੍ਰਤੀ ਸਾਲ 45,000 ਮੀਟ੍ਰਿਕ ਟਨ ਹੈ।
ਮੰਤਰੀ ਨੇ ਕਿਹਾ ਕਿ ਚੰਡੀਗੜ੍ਹ ਵਿਚ ਸੀ ਐਂਡ ਡੀ ਰਹਿੰਦ-ਖੂੰਹਦ ਦੀ ਕੋਈ ਅਨਿਯੰਤ੍ਰਿਤ ਡੰਪਿੰਗ ਨਹੀਂ ਹੈ। ਨਗਰ ਨਿਗਮ ਨੇ ਪੈਦਾ ਹੋਏ ਸੀ ਐਂਡ ਡੀ ਰਹਿੰਦ-ਖੂੰਹਦ ਨੂੰ ਇਕੱਠਾ ਕਰਨ ਅਤੇ ਢੋਆ-ਢੁਆਈ ਲਈ ਟਿੱਪਰ ਅਤੇ ਲੋਡਰ ਸਮੇਤ ਢੁਕਵੇਂ ਵਾਹਨ ਤਾਇਨਾਤ ਕੀਤੇ ਹਨ।ਮੌਜੂਦਾ ਸੀ ਐਂਡ ਡੀ ਰਹਿੰਦ-ਖੂੰਹਦ ਦੇ ਨਿਪਟਾਰੇ ਦੇ ਸਥਾਨਾਂ ਨੂੰ ਸਾਈਟਾਂ ਦੀ ਵਿਵਹਾਰਕਤਾ ਦੇ ਆਧਾਰ 'ਤੇ ਵਾਰਡਾਂ ਜਾਂ ਨੇੜਲੇ ਵਾਰਡਾਂ ਦੇ ਅੰਦਰ ਚੁਣਿਆ ਗਿਆ ਹੈ।