ਮਾਛੀਵਾੜਾ ਦੀ ਸਥਾਨਕ ਸਬਜ਼ੀ ਮੰਡੀ ਵੀ ਰਹੀ ਬੰਦ

ਮਾਛੀਵਾੜਾ ਸਾਹਿਬ, (ਲੁਧਿਆਣਾ), 30 ਜੁਲਾਈ (ਮਨੋਜ ਕੁਮਾਰ)- ਵਾਲਮੀਕ ਸਮਾਜ ਵਲੋਂ ਬਰਨਾਲਾ ਲਾਠੀਚਾਰਜ ਦੇ ਵਿਰੋਧ ਵਿਚ ਅੱਜ ਪੂਰੇ ਪੰਜਾਬ ਬੰਦ ਦੇ ਸੱਦੇ ਦਾ ਅਸਰ ਮਾਛੀਵਾੜਾ ਦੀ ਪੂਰੀ ਮਾਰਕਿਟ ਵਿਚ ਨਜ਼ਰ ਆਇਆ। ਬਾਜ਼ਾਰ ਦੀਆਂ ਲਗਭਗ ਸਾਰੀਆਂ ਦੁਕਾਨਾਂ ਬੰਦ ਨਜ਼ਰ ਆਈਆਂ। ਇਸ ਬੰਦ ਦਾ ਅਸਰ ਸਥਾਨਕ ਸਬਜ਼ੀ ਮੰਡੀ ਵਿਚ ਵੀ ਦੇਖਣ ਨੂੰ ਮਿਲਿਆ, ਜਿਥੇ ਇਕ ਦੋ ਕਿਸਾਨ ਹੀ ਮੰਡੀ ਵਿਚ ਸਬਜੀ ਵੇਚਣ ਆਏ। ਆਮ ਦਿਨਾਂ ਵਿਚ 150 ਦੇ ਕਰੀਬ ਕਿਸਾਨ ਆਪਣੀਆਂ ਵੱਖ ਵੱਖ ਸਬਜ਼ੀਆਂ ਵੇਚਣ ਆਉਂਦੇ ਹਨ ਪਰ ਅੱਜ ਮਹਿਜ ਦੋ ਚਾਰ ਹੀ ਕਿਸਾਨ ਆਏ ਤੇ ਸਬਜ਼ੀਆਂ ਖਰੀਦਣ ਵਾਲਾ ਕੋਈ ਵੀ ਨਹੀਂ ਆਇਆ ਤੇ ਮੰਡੀ ਮੁੰਕਮਲ ਤੌਰ ’ਤੇ ਬੰਦ ਨਜ਼ਰ ਆਈ।