ਬਿਆਸ, 30 ਅਗਸਤ (ਨਰਿੰਦਰ ਸਿੰਘ)- ਪਿਛਲੇਂ ਇਕ ਮਹੀਨੇ ਦੌਰਾਨ ਚਾਰ ਤੋਂ ਪੰਜ ਵਾਰ ਬਿਆਸ ਦਰਿਆ ਪੁਲ ਤੋਂ ਦੋਨੋਂ ਤਰਫ ਨੈਸ਼ਨਲ ਹਾਈਵੇ ਉੱਤੇ ਭਾਰੀ ਜਾਮ ਲੱਗ ਚੁੱਕਾ। ਬਿਆਸ ਦਰਿਆ ਪੁੱਲ ਤੇ ਜਲੰਧਰ ਤੋਂ ਅੰਮ੍ਰਿਤਸਰ ਵੱਲ ਉਸਾਰੀ ਦਾ ਕੰਮ ਚੱਲ ਰਿਹਾ ਹੈ। ਹਾਲਾਂਕਿ ਆਮ ਲੋਕਾਂ ਨੂੰ ਅਤੇ ਨਿਰੰਤਰ ਚੱਲਣ ਵਾਲੇ ਰਾਹਗੀਰਾਂ ਨੂੰ ਇਸ ਇਕ ਸਾਈਡ ਦੀ ਉਸਾਰੀ ਬਾਰੇ ਜਾਣਕਾਰੀ ਹੈ। ਪਰ ਪ੍ਰਸ਼ਾਸਨ ਨੂੰ ਕਿਤੇ ਨਾ ਕਿਤੇ ਇਸ ਟਰੈਫਿਕ ਸਮੱਸਿਆ ਨੂੰ ਹੱਲ ਕਰਨ ਵਿਚ ਮੁਸ਼ਕਿਲ ਪੇਸ਼ ਆ ਰਹੀ ਹੈ।
ਅੱਜ ਦਾ ਇਹ ਕਾਫੀ ਭਾਰੀ ਜਾਮ ਹੈ ਜੋ ਕਿ ਪਿਛਲੇ ਚਾਰ ਤੋਂ ਪੰਜ ਘੰਟਿਆਂ ਦੇ ਬਾਅਦ ਵੀ ਚਾਰ ਤੋਂ ਪੰਜ ਘੰਟਿਆਂ ਤੋਂ ਬਾਅਦ ਵੀ ਇਹ ਜਾਮ ਨਹੀਂ ਖੁੱਲ ਸਕਿਆ। ਰਾਹਗੀਰਾਂ ਨੂੰ ਚਾਹੇ ਉਹ ਵੱਡੇ ਟਰੈਫਿਕ ਗੱਡੀਆਂ ਵਾਲੇ ਹੋਣ ਜਾਂ ਛੋਟੀਆਂ ਵਾਲੇ ਕਿਸੇ ਨੂੰ ਵੀ ਕਿਸੇ ਤਰ੍ਹਾਂ ਦੀ ਕੋਈ ਵੀ ਰਾਹਤ ਨਹੀਂ ਮਿਲ ਪਾ ਰਹੀ। ਬੱਸਾਂ ਦੇ ਵਿਚੋਂ ਸਵਾਰੀਆਂ ਆਪ ਹੀ ਉੱਤਰ ਕੇ ਤੁਰ ਕੇ ਜਾਂਦੀਆਂ ਹੋਈਆਂ ਨਜ਼ਰ ਆ ਰਹੀਆਂ ਹਨ। ਬੱਚਿਆਂ ਸਮੇਤ ਜਨਾਨੀਆਂ ਆਪਣੇ ਸਮਾਨ ਸਮੇਤ ਇੱਧਰ ਉੱਧਰ ਜਾਂਦੀਆਂ ਗਰਮੀ ਦੇ ਵਿਚ ਨਜ਼ਰ ਆਈਆਂ।
