ਨਾਗੋਯਾ, 1 ਅਕਤੂਬਰ- ਭਾਰਤ ਨੇ ਅੱਜ ਏਸ਼ੀਅਨ ਖੇਡਾਂ ਵਿਚ ਦੋ ਤਗਮੇ ਜਿੱਤੇ। ਭਾਰਤੀ ਮਹਿਲਾ ਟੀਮ ਨੇ ਸਕੁਐਸ਼ ਵਿਚ ਕਾਂਸੀ ਦਾ ਤਗਮਾ ਜਿੱਤਿਆ। ਫਿਰ ਮਨੂ ਫਰਾਂਸਿਸ ਅਤੇ ਪ੍ਰਿੰਸ ਕੁਰੀਸਿੰਕਲ ਨੇ ਸੈਲਿੰਗ ਵਿਚ ਪੁਰਸ਼ਾਂ ਦੇ ਸਕਿੱਫ ਮੁਕਾਬਲੇ ਵਿਚ ਚਾਂਦੀ ਦਾ ਤਗਮਾ ਜਿੱਤਿਆ।
23 ਸਾਲਾ ਨਿਤੇਸ਼ ਸਿਵਾਚ 97 ਕਿਲੋਗ੍ਰਾਮ ਪੁਰਸ਼ਾਂ ਦੇ ਗ੍ਰੀਕੋ-ਰੋਮਨ ਕੁਸ਼ਤੀ ਵਰਗ ਦੇ ਫਾਈਨਲ ਵਿਚ ਪਹੁੰਚਿਆ। ਉਸ ਨੇ ਪਿਛਲੀਆਂ ਏਸ਼ੀਅਨ ਖੇਡਾਂ ਦੇ ਕਾਂਸੀ ਦਾ ਤਗਮਾ ਜੇਤੂ ਮੰਗੋਲੀਆਈ ਪਹਿਲਵਾਨ ਗੰਖੁਯਾਗ ਗੰਬਾਤਰ ਨੂੰ 9-0 ਨਾਲ ਹਰਾਇਆ। ਉਨ੍ਹਾਂ ਦਾ ਫਾਈਨਲ ਅੱਜ ਹੋਵੇਗਾ।
ਜਾਪਾਨ ਦੇ ਨਾਗੋਆ ਵਿਚ ਚੱਲ ਰਹੀਆਂ ਖੇਡਾਂ ਦੇ 12ਵੇਂ ਦਿਨ, ਭਾਰਤ ਤਗਮਾ ਸੂਚੀ ਵਿਚ 8ਵੇਂ ਸਥਾਨ 'ਤੇ ਹੈ। ਇਸ ਦੇ ਤਗਮਿਆਂ ਦੀ ਗਿਣਤੀ ਹੁਣ 62 ਹੋ ਗਈ ਹੈ, ਜਿਸ ਵਿਚ 10 ਸੋਨ, 22 ਚਾਂਦੀ ਅਤੇ 30 ਕਾਂਸੀ ਸ਼ਾਮਿਲ ਹਨ।
