ਯਮੁਨਾ ਨੂੰ ਸਾਫ਼ ਰੱਖਣ ਦੀ ਕੋਸ਼ਿਸ਼ ਵਿਚ ਸਾਡਾ ਸਾਥ ਦੇਣ ਦਿੱਲੀ ਵਾਸੀ - ਪਰਵੇਸ਼ ਵਰਮਾ

ਨਵੀਂ ਦਿੱਲੀ, 10 ਨਵੰਬਰ -ਦਿੱਲੀ ਦੇ ਉਪ ਮੁੱਖ ਮੰਤਰੀ ਪਰਵੇਸ਼ ਵਰਮਾ ਨੇ ਕਿਹਾ, "ਸਾਡੀ ਸਰਕਾਰ ਬਣਨ ਤੋਂ ਬਾਅਦ, ਸਾਡੀ ਸਭ ਤੋਂ ਵੱਡੀ ਤਰਜੀਹ ਯਮੁਨਾ ਨਦੀ ਦੇ ਕਿਨਾਰਿਆਂ (ਯਮੁਨਾ ਰਿਵਰਫਰੰਟ) ਨੂੰ ਵਿਕਸਤ ਕਰਨਾ ਸੀ। ਇਹ ਉਦੋਂ ਹੀ ਸੰਭਵ ਹੋ ਸਕਦਾ ਹੈ ਜਦੋਂ ਪੂਰੀ ਯਮੁਨਾ ਨਦੀ ਸਾਫ਼ ਹੋ ਜਾਵੇ। ਦਿੱਲੀ ਸਰਕਾਰ ਨੇ ਸਿਰਫ਼ 18-19 ਮਹੀਨਿਆਂ ਵਿਚ ਹੀ, ਦਿੱਲੀ ਵਿਚੋਂ ਲੰਘਣ ਵਾਲੇ ਯਮੁਨਾ ਦੇ 52 ਕਿਲੋਮੀਟਰ ਦੇ ਹਿੱਸੇ ਵਿਚੋਂ ਅੱਧੇ ਹਿੱਸੇ ਨੂੰ ਸਾਫ਼ ਕਰ ਦਿੱਤਾ ਹੈ। ਅਸੀਂ ਪੱਲਾ ਅਤੇ ਵਜ਼ੀਰਾਬਾਦ ਦੇ ਵਿਚਕਾਰ ਨਦੀ ਵਿਚ ਡਿੱਗਣ ਵਾਲੇ ਸਾਰੇ ਛੋਟੇ ਨਾਲਿਆਂ ਨੂੰ ਰੋਕ ਕੇ (ਟੈਪ ਕਰਕੇ) ਸਾਫ਼ ਕਰ ਦਿੱਤਾ ਹੈ। ਦੂਜੇ ਪੜਾਅ ਵਿਚ, ਅਸੀਂ ਵਜ਼ੀਰਾਬਾਦ ਤੋਂ ਕਾਲਿੰਦੀ ।ਕੁੰਜ॥ ਤੱਕ ਦੇ ਹਿੱਸੇ ਨੂੰ ਸਾਫ਼ ਕਰਾਂਗੇ, ਜਿਸ ਵਿਚ ਲਗਭਗ 2 ਤੋਂ 2.5 ਸਾਲ ਲੱਗਣਗੇ... ਸਾਨੂੰ ਇਹ ਯਕੀਨੀ ਬਣਾਉਣਾ ਹੋਵੇਗਾ ਕਿ ਪਾਣੀ ਵਿਚ ਕੋਈ ਪਲਾਸਟਿਕ ਜਾਂ ਧਾਰਮਿਕ ਸਮੱਗਰੀ ਨਾ ਸੁੱਟੀ ਜਾਵੇ। ਮੈਂ ਦਿੱਲੀ ਵਾਸੀਆਂ ਨੂੰ ਅਪੀਲ ਕਰਦਾ ਹਾਂ ਕਿ ਉਹ ਇਸ ਕੋਸ਼ਿਸ਼ ਵਿਚ ਸਾਡਾ ਸਾਥ ਦੇਣ, ਤਾਂ ਜੋ ਅਸੀਂ ਜਲਦੀ ਤੋਂ ਜਲਦੀ ਯਮੁਨਾ ਨੂੰ ਸਾਫ਼ ਕਰ ਸਕੀਏ—ਜੋ ਕਿ ਭਾਰਤ ਦੀ ਰਾਜਧਾਨੀ ਦੀ ਆਤਮਾ ਹੈ..."।