ਬੰਗਾ, 20 ਸਤੰਬਰ (ਕੁਲਦੀਪ ਸਿੰਘ ਪਾਬਲਾ)-ਡੈਰਿਕ ਇੰਟਰਨੈਸ਼ਨਲ ਸਕੂਲ ਬੰਗਾ ਦੀਆਂ ਵਿਦਿਆਰਥਣਾਂ ਨੇ ਇਕ ਵਾਰ ਫਿਰ ਆਪਣੀ ਖੇਡ ਪ੍ਰਤਿਭਾ ਤੇ ਦਿ੍ੜ੍ਹ ਨਿਸ਼ਚੇ ਦਾ ਪ੍ਰਦਰਸ਼ਨ ਕੀਤਾ | ਜ਼ਿਲ੍ਹਾ ਪੱਧਰ 'ਤੇ ਆਯੋਜਿਤ ਖੇਡ ਪ੍ਰਤੀਯੋਗਤਾ ਵਿਚ ਹੋਈ ਹੈਂਡਬਾਲ ਚੈਂਪੀਅਨਸ਼ਿਪ ਵਿਚ ਸਕੂਲ ਦੀ ਅੰਡਰ-19 ਗਰਲਜ਼ ਟੀਮ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਦੂਜਾ ਸਥਾਨ ਹਾਸਿਲ ਕੀਤਾ ਤੇ ਸਕੂਲ ਦਾ ਨਾਂਅ ਰੌਸ਼ਨ ਕੀਤਾ | ਅੰਡਰ-19 ਟੀਮ ਵਿਚ ਸ਼ਾਮਿਲ ਰਹੀਆਂ ਵਿਦਿਆਰਥਣਾਂ ਹਰਨੀਤ, ਪ੍ਰਭਲੀਨ, ਈਸ਼ਾ, ਰੀਤਿਕਾ, ਨਵਨੀਤ ਕੌਰ, ਜੈਸਮੀਨ, ਜਸਮੀਨ, ਸੁਪ੍ਰੀਤ, ਮਨਪ੍ਰੀਤ, ਮਨਜੋਤ ਤੇ ਰਾਜਪ੍ਰੀਤ | ਉਨ੍ਹਾਂ ਦੇ ਸ਼ਾਨਦਾਰ ਟੀਮਵਰਕ ਤੇ ਉਤਸ਼ਾਹ ਦੀ ਸਭ ਨੇ ਸਰਾਹਨਾ ਕੀਤੀ | ਅੰਡਰ-17 ਟੀਮ ਨੇ ਵੀ ਸ਼ਾਨਦਾਰ ਊਰਜਾ ਤੇ ਖੇਡਭਾਵਨਾ ਦਾ ਪ੍ਰਦਰਸ਼ਨ ਕੀਤਾ ਅਤੇ ਰੱਸਾਕਸ਼ੀ ਖੇਡ ਪ੍ਰਤੀਯੋਗਤਾ ਅੰਡਰ-14, ਅੰਡਰ 17, ਅੰਡਰ 19 ਵਿਚ ਖੇਡ ਕੇ ਆਪਣਾ ਸਥਾਨ ਬਣਾਇਆ | ਸਕੂਲ ਦੇ ਪਿ੍ੰਸੀਪਲ ਨੀਨਾ ਭਾਰਦਵਾਜ ਨੇ ਵਿਦਿਆਰਥਣਾਂ ਨੂੰ ਉਨ੍ਹਾਂ ਦੀ ਜਿੱਤ 'ਤੇ ਵਧਾਈ ਦਿੰਦਿਆਂ ਕਿਹਾ ਸਾਡੇ ਵਿਦਿਆਰਥੀ ਹਰ ਪੱਧਰ 'ਤੇ ਆਪਣੀ ਯੋਗਤਾ ਸਾਬਤ ਕਰ ਰਹੇ ਹਨ | ਅੰਡਰ-19 ਹੈਂਡਬਾਲ ਵਿਚ ਦੂਜਾ ਸਥਾਨ ਹਾਸਿਲ ਕਰਨਾ ਉਨ੍ਹਾਂ ਦੀ ਮਿਹਨਤ ਅਤੇ ਹੁਨਰ ਦਾ ਨਤੀਜਾ ਹੈ | ਮੈਨੂੰ ਉਨ੍ਹਾਂ ਦੀ ਲਗਨ 'ਤੇ ਮਾਣ ਹੈ ਅਤੇ ਮੈਂ ਉਨ੍ਹਾਂ ਨੂੰ ਅੱਗੇ ਵੀ ਵਧਣ ਲਈ ਉਤਸਾਹਿਤ ਕਰਦੀ ਹਾਂ | ਉਨ੍ਹਾਂ ਨੇ ਬੱਚਿਆਂ ਤੇ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਵਧਾਈ ਦਿੱਤੀ ਤੇ ਬੱਚਿਆਂ ਨੂੰ ਸੁਨਹਿਰੇ ਭਵਿੱਖ ਲਈ ਸ਼ੁੱਭਕਾਮਨਾ ਦਿੱਤੀ |
