ਸ਼ਾਹਪੁਰ ਕੰਢੀ, 30 ਅਗਸਤ (ਰਣਜੀਤ ਸਿੰਘ)-ਸਤਿਗੁਰੂ ਮਹਾਤਮਾ ਮੰਗਤ ਰਾਮ ਜੀ ਮਹਾਰਾਜ ਦੇ ਤਪ ਅਸਥਾਨ ਸ਼ਾਹਪੁਰ ਕੰਢੀ ਵਿਖੇ ਕਰਵਾਏ ਜਾ ਰਹੇ ਸਮਤਾ ਸਤਿਸੰਗ ਦੀਆਂ ਤਿਆਰੀਆਂ ਮੁਕੰਮਲ ਹੋ ਗਈਆਂ ਹਨ | 30, 31 ਅਗਸਤ ਨੰੂ ਹੋ ਰਹੇ ਸਮਤਾ ਸਤਿਸੰਗ ਨੰੂ ਨੇਪਰੇ ਚਾੜਨ ਲਈ ਵੱਖ-ਵੱਖ ਤਰ੍ਹਾਂ ਦੀਆਂ ਕਮੇਟੀਆਂ ਦਾ ਗਠਨ ਕੀਤਾ ਗਿਆ ਹੈ | ਜਿਸ ਦੇ ਸਵਾਗਤੀ ਕਮੇਟੀ, ਰੱਖ ਰੱਖਾਅ ਕਮੇਟੀ, ਲੰਗਰ ਕਮੇਟੀ ਅਨੁਸ਼ਾਸਨ ਕਮੇਟੀ ਦਾ ਗਠਨ ਕੀਤਾ ਗਿਆ ਹੈ | ਅੱਜ ਸਤਿਸੰਗ ਵਾਲੀ ਸਥਾਨ 'ਤੇ ਇਲਾਕੇ ਦੇ ਕਵੀਆਂ, ਸ਼ਾਇਰਾਂ ਨੇ ਦੌਰਾ ਕੀਤਾ | ਸੇਵਾ ਮੁਕਤ ਨਿਗਰਾਨ ਇੰਜੀਨੀਅਰ ਨਰੇਸ਼ ਮਹਾਜਨ ਨੇ ਦੱਸਿਆ ਕਿ ਮਹਾਤਮਾ ਮੰਗਤ ਰਾਮ ਜੀ ਨੇ ਸੰਗਤ ਸਮਤਾਵਾਦ ਦੀ ਸਥਾਪਨਾ ਕੀਤੀ | ਮਹਾਤਮਾ ਜੀ ਨੇ ਮਨੁੱਖੀ ਕਲਿਆਣਕਾਰੀ ਕਈ ਗ੍ਰੰਥਾਂ ਦੀ ਰਚਨਾ ਕੀਤੀ | ਇਸ ਮੌਕੇ ਡਾ: ਰਵੀ ਕਾਠਾ, ਸੁਰੇਸ਼ ਭਗਤ, ਦਵਿੰਦਰ ਅੱਤਰੀ, ਹਰੀਸ਼ ਕੁਮਾਰ, ਗੁਰਚਰਨ ਧਵਨ, ਮੁਨੀਸ਼ ਮਹਾਜਨ, ਰੰਜਨ, ਰਮੇਸ਼ ਲਾਲ, ਰਵੀ ਗੋਪਾਲ, ਕਰਨ ਸਿੰਘ ਆਦਿ ਹਾਜ਼ਰ ਸਨ |
