ਰਾਮਾਂ ਮੰਡੀ, 30 ਅਗਸਤ (ਤਰਸੇਮ ਸਿੰਗਲਾ) ਆਪਣੀ ਹਸਤਕਲਾਂ ਰਾਹੀਂ ਰਾਮਾਂ ਮੰਡੀ ਦਾ ਨਾਮ ਪੰਜਾਬ ਵਿਚ ਹੀ ਨਹੀਂ ਹੋਰ ਦੂਸਰੇ ਸੂਬਿਆਂ ਵਿਚ ਵੀ ਪ੍ਰਸਿੱਧ ਕਰਨ ਵਾਲੇ ਪ੍ਰਸਿੱਧ ਹਸਤ ਕਲਾਕਾਰ ਰਾਮਪਾਲ ਬੈਹਣੀਵਾਲ ਨੇ ਪੰਜਾਬੀ ਫ਼ਿਲਮਾਂ ਦੇ ਹਾਸਿਆਂ ਦੇ ਬਾਦਸ਼ਾਹ ਜਸਵਿੰਦਰ ਭੱਲਾ ਦਾ ਸਾਬਣ ਨਾਲ ਮਾਡਲ ਤਿਆਰ ਕਰਕੇ ਉਨ੍ਹਾਂ ਨੂੰ ਸ਼ਰਧਾਂਜਲੀ ਭੇਂਟ ਕੀਤੀ | ਰਾਮਪਾਲ ਵਲੋਂ ਤਿਆਰ ਕੀਤੇ ਗਏ ਜਸਵਿੰਦਰ ਭੱਲਾ ਦੇ ਮਾਡਲ ਨੂੰ ਦੇਖਣ ਲਈ ਲੋਕ ਬੈਹਣੀਵਾਲ ਕਲਚਰਲ ਪਾਰਕ ਵਿਖੇ ਪਹੁੰਚਕੇ ਰਾਮਪਾਲ ਦੀ ਸ਼ਲਾਘਾ ਕਰ ਰਹੇ ਹਨ ਅਤੇ ਜਸਵਿੰਦਰ ਭੱਲਾ ਨੂੰ ਸ਼ਰਧਾਂਜਲੀਆਂ ਵੀ ਭੇਂਟ ਕਰ ਰਹੇ ਹਨ | ਗੌਰਤਲਬ ਹੈ ਕਿ ਇਸ ਤੋਂ ਪਹਿਲਾਂ ਰਾਮਪਾਲ ਸ਼ਹੀਦਾਂ, ਰਾਜਨੀਤਕਾਂ ਅਤੇ ਹੋਰ ਉੱਘੀਆਂ ਸਖਸ਼ੀਅਤਾਂ ਦੇ ਮਾਡਲ ਤਿਆਰ ਕਰਕੇ ਹਸਤਕਲਾਂ ਵਿਚ ਨਾਮਣਾ ਖੱਟ ਚੁੱਕੇ ਹਨ | ਰਾਮਪਾਲ ਬੈਹਣੀਵਾਲ ਨੇ ਦੱਸਿਆ ਕਿ ਉਨ੍ਹਾਂ ਵਲੋਂ ਜਸਵਿੰਦਰ ਭੱਲਾ ਦਾ ਮਾਡਲ 4 ਦਿਨਾਂ ਵਿਚ ਤਿਆਰ ਕੀਤਾ | ਜਿਸ ਵਿਚ ਉਨ੍ਹਾਂ ਦੇ ਸਪੁੱਤਰ ਆਸ਼ੂ ਬੈਹਣੀਵਾਲ ਨੇ ਵੀ ਉਨ੍ਹਾਂ ਦਾ ਸਹਿਯੋਗ ਦਿੱਤਾ ਹੈ |