ਮਜ਼ਬੂਤ ਵਿਕਾਸ ਤੇ ਵਿੱਤੀ ਵਿਵਸਥਾ ਨਾਲ ਭਾਰਤ ਦੀ ਦਰਜਾਬੰਦੀ ‘ਏ-’ ਹੋਈ

ਨਵੀਂ ਦਿੱਲੀ, 2 ਸਤੰਬਰ (ਏਜੰਸੀ)-ਜਪਾਨ ਦੀ ਪ੍ਰਮੁੱਖ ਕ੍ਰੇਡਿਟ ਰੇਟਿੰਗ ਏਜੰਸੀ ਜੇ.ਸੀ.ਆਰ. ਨੇ ਭਾਰਤੀ ਅਰਥ ਵਿਵਸਥਾ ਨੂੰ ਇਕ ਵੱਡੀ ਵਿਸ਼ਵ ਪੱਧਰੀ ਕਾਮਯਾਬੀ ਦਿੰਦੇ ਹੋਏ ਭਾਰਤ ਦੀ ਸੰਪ੍ਰਭੂ ਕ੍ਰੇਡਿਟ ਰੇਟਿੰਗ ਨੂੰ ਅਪਗ੍ਰੇਡ ਕਰ ਦਿੱਤਾ ਹੈ। ਜੇ.ਸੀ.ਆਰ. ਨੇ ਭਾਰਤ ਦੀ ਰੇਟਿੰਗ ਨੂੰ ‘ਬੀਬੀਬੀ+’ ਤੋਂ ਵਧਾ ਕੇ ‘ਏ-’ ਕਰ ਦਿੱਤਾ ਹੈ। ਇਹ ਉਪਲੱਬਧੀ 35 ਸਾਲ ਦੇ ਅੰਤਰਾਲ ਬਾਅਦ ਹਾਸਿਲ ਹੋਈ ਹੈ। ਇਹ ਅਪਗ੍ਰੇਡ ਦਰਸਾਉਂਦਾ ਹੈ ਕਿ ਭਾਰਤ ਹੁਣ ਵਿੱਤੀ ਜ਼ਿੰਮੇਵਾਰੀਆਂ ਨੂੰ ਪੂਰਾ ਕਰਨ ’ਚ ਬੇਹੱਦ ਮਜ਼ਬੂਤ ਤੇ ਸੁਰੱਖਿਅਤ ਦੇਸ਼ਾਂ ਦੀ ਸ਼੍ਰੇਣੀ ’ਚ ਆ ਗਿਆ ਹੈ। ਏਜੰਸੀ ਨੇ ਇਸ ਇਤਿਹਾਸਕ ਫੈਸਲੇ ਪਿਛੇ ਭਾਰਤ ਦੀ ਮਜ਼ਬੂਤ ਆਰਥਿਕ ਵਿਕਾਸ, ਬੈਂਕਿੰਗ ਖੇਤਰ ’ਚ ਵੱਡੇ ਸੁਧਾਰ ਤੇ ਸਰਕਾਰ ਦੀਆਂ ਬਿਹਤਰ ਵਿੱਤੀ ਨੀਤੀਆਂ ਨੂੰ ਮੁੱਖ ਵਜ੍ਹਾ ਦੱਸਿਆ ਹੈ।