ਸੜਕ ਕਿਨਾਰੇ ਪਲਟੇ ਟਿੱਪਰ ਦਾ ਦ੍ਰਿਸ਼। ਰਾਜ ਮਾਰਗ ਦੇ ਕਿਨਾਰੇ ਕੋਲੇ ਦਾ ਭਰਿਆ ਟਿੱਪਰ ਪਲਟਿਆ, ਜਾਨੀ ਨੁਕਸਾਨ ਤੋਂ ਬਚਾਅ

ਮਜਾਰੀ/ਸਾਹਿਬਾ, 6 ਸਤੰਬਰ (ਨਿਰਮਲਜੀਤ ਸਿੰਘ ਚਾਹਲ)-ਬੀਤੀ ਰਾਤ ਚਣਕੋਆ ਅੱਡੇ ਤੋਂ ਅੱਗੇ ਕੁੱਲੇਵਾਲ ਮੋੜ ਦੇ ਲਾਗੇ ਇਕ ਕੋਲਾ ਲੈ ਕੇ ਜਾ ਰਿਹਾ ਟਿੱਪਰ ਸੜਕ ਦੇ ਕਿਨਾਰੇ ਪਲਟ ਗਿਆ। ਇਸ ਬਾਰੇ ਟਿੱਪਰ ਦੇ ਡਰਾਈਵਰ ਬਿਨੇ ਕੁਮਾਰ ਪੁੱਤਰ ਜਨਾਰਦਨ ਪਾਂਡੇ ਪਿੰਡ ਮੁਬਾਰਕਪੁਰ ਤਹਿਸੀਲ ਡੇਰਾ ਬਸੀ ਜ਼ਿਲ੍ਹਾ ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ ਨੇ ਦੱਸਿਆ ਕਿ ਉਹ ਮੁਹਾਲੀ ਤੋਂ ਮਾਹਿਲਪੁਰ ਪੇਪਰ ਮਿੱਲ ਨੂੰ ਕੋਲਾ ਲੈ ਕੇ ਜਾ ਰਿਹਾ ਸੀ ਜਦੋਂ ਉਕਤ ਸਥਾਨ ’ਤੇ ਪਹੁੰਚਿਆ ਤਾਂ ਅੱਗੇ ਤੋਂ ਇਕ ਤੇਜ਼ ਰਫਤਾਰ ਆ ਰਹੀ ਗੱਡੀ ਨੂੰ ਬਚਾਉਂਦਿਆਂ ਟਿੱਪਰ ਸੜਕ ਤੋਂ ਥੱਲੇ ਉਤਰ ਗਿਆ, ਜਿਸ ਕਾਰਨ ਟਿੱਪਰ ਸੜਕ ’ਤੇ ਚੜਨ ਲੱਗਿਆ ਖਤਾਨਾ ਵਿਚ ਪਲਟ ਗਿਆ।