ਸਪੋਰਟਸ ਕਲੱਬ ਬਾਹੜੋਵਾਲ ਦੇ ਪਹਿਲਵਾਨਾਂ 32 ਤਗਮੇ ਜਿੱਤ ਕੇ ਸਿਰਜਿਆ ਇਤਿਹਾਸ
ਬੰਗਾ, 25 ਸਤੰਬਰ (ਸੁਰਿੰਦਰ ਸਿੰਘ ਕਰਮ ਲਧਾਣਾ)-ਪੰਜਾਬ ਪੱਧਰ ਦੇ ਹੋਏ ਕੁਸ਼ਤੀ ਮੁਕਾਬਲਿਆਂ ’ਚ ਸ੍ਰੀ ਗੁਰੂ ਹਰਿਗੋਬਿੰਦ ਸਪੋਰਟਸ ਕਲੱਬ ਅਖਾੜਾ ਬਾਹੜੋਵਾਲ ਦੇ ਪਹਿਲਵਾਨਾਂ ਨੇ ਵੱਖ-ਵੱਖ ਕੁਸ਼ਤੀ ਮੁਕਾਬਲਿਆਂ ਵਿਚ 21 ਸੋਨ, 7 ਚਾਂਦੀ ਤੇ 4 ਕਾਂਸੀ ਸਮੇਤ ਕੁੱਲ 32 ਤਗਮੇ ਜਿੱਤ ਕੇ ਨਵਾਂ ਇਤਿਹਾਸ ਸਿਰਜਿਆ ਹੈ। ਇਸ ਸੰਬੰਧੀ ਮੁੱਖ ਕੋਚ ਬਲਵੀਰ ਸੌਂਧੀ ਨੇ ਦੱਸਿਆ ਕਿ ਅੰਡਰ 14 ਸਾਲਾ ਵਰਗ ਵਿਚ ਲੜਕੀਆਂ ਨੇ 3 ਸੋਨ ਤਗਮੇ, 17 ਸਾਲਾ ਵਰਗ ਵਿਚ 1 ਸੋਨ ਤਗਮਾ, ਲੜਕਿਆਂ ਦੇ 14 ਸਾਲਾ ਵਰਗ ’ਚ 2 ਸੋਨ ਤਗਮੇ, 2 ਚਾਂਦੀ ਦੇ ਤਗਮੇ, 1 ਕਾਂਸੀ ਦਾ ਤਗਮਾ ਜਿੱਤਿਆ ਹੈ।
ਬੰਗਾ, 25 ਸਤੰਬਰ (ਸੁਰਿੰਦਰ ਸਿੰਘ ਕਰਮ ਲਧਾਣਾ)-ਪੰਜਾਬ ਪੱਧਰ ਦੇ ਹੋਏ ਕੁਸ਼ਤੀ ਮੁਕਾਬਲਿਆਂ ’ਚ ਸ੍ਰੀ ਗੁਰੂ ਹਰਿਗੋਬਿੰਦ ਸਪੋਰਟਸ ਕਲੱਬ ਅਖਾੜਾ ਬਾਹੜੋਵਾਲ ਦੇ ਪਹਿਲਵਾਨਾਂ ਨੇ ਵੱਖ-ਵੱਖ ਕੁਸ਼ਤੀ ਮੁਕਾਬਲਿਆਂ ਵਿਚ 21 ਸੋਨ, 7 ਚਾਂਦੀ ਤੇ 4 ਕਾਂਸੀ ਸਮੇਤ ਕੁੱਲ 32 ਤਗਮੇ ਜਿੱਤ ਕੇ ਨਵਾਂ ਇਤਿਹਾਸ ਸਿਰਜਿਆ ਹੈ। ਇਸ ਸੰਬੰਧੀ ਮੁੱਖ ਕੋਚ ਬਲਵੀਰ ਸੌਂਧੀ ਨੇ ਦੱਸਿਆ ਕਿ ਅੰਡਰ 14 ਸਾਲਾ ਵਰਗ ਵਿਚ ਲੜਕੀਆਂ ਨੇ 3 ਸੋਨ ਤਗਮੇ, 17 ਸਾਲਾ ਵਰਗ ਵਿਚ 1 ਸੋਨ ਤਗਮਾ, ਲੜਕਿਆਂ ਦੇ 14 ਸਾਲਾ ਵਰਗ ’ਚ 2 ਸੋਨ ਤਗਮੇ, 2 ਚਾਂਦੀ ਦੇ ਤਗਮੇ, 1 ਕਾਂਸੀ ਦਾ ਤਗਮਾ ਜਿੱਤਿਆ ਹੈ। 17 ਸਾਲਾ ਲੜਕਿਆਂ ਦੇ ਫਰੀ ਸਟਾਇਲ ਵਿਚ 4 ਸੋਨ ਤਗਮੇ, 2 ਚਾਂਦੀ ਦੇ ਤਗਮੇ, 1 ਕਾਂਸੀ ਦਾ ਤਗਮਾ, 17 ਸਾਲਾ ਗਰੀਕੋ ਰੋਮਨ ਵਿਚ 3 ਸੋਨ ਤਗਮਾ, 2 ਚਾਂਦੀ ਦੇ ਤਗਮੇ ਅਤੇ 2 ਬਰਾਊਨਜ਼ ਤਗਮੇ ਜਿੱਤੇ ਹਨ। 19 ਸਾਲਾ ਵਰਗ ਫ੍ਰੀ ਸਟਾਇਲ ’ਚ 4 ਸੋਨ ਤਗਮੇ ਤੇ ਇਕ ਚਾਂਦੀ ਦਾ ਤਗਮਾ ਜਿੱਤ ਕੇ ਇਕੋ ਅਖਾੜੇ ਦੇ ਸਭ ਤੋਂ ਵੱਧ 32 ਤਗਮੇ ਜਿੱਤਣ ਦਾ ਰਿਕਾਰਡ ਕਾਇਮ ਕੀਤਾ ਹੈ। ਇਸ ਦਾ ਸਿਹਰਾ ਮੁੱਖ ਪ੍ਰਬੰਧਕ ਚੇਅਰਮੈਨ ਮਲਕੀਅਤ ਸਿੰਘ ਬਾਹੜੋਵਾਲ ਨੂੰ ਜਾਂਦਾ ਹੈ, ਜੋ ਪਹਿਲਵਾਨਾਂ ਨੂੰ ਮੁਫ਼ਤ ਟ੍ਰੇਨਿੰਗ ਦੁਆਂਉਦੇ ਹਨ ਅਤੇ ਡਾਇਟ ਦਾ ਪ੍ਰਬੰਧ ਵੀ ਕਰਦੇ ਹਨ। ਮੁੱਖ ਕੋਚ ਬਲਵੀਰ ਸੌਂਧੀ ਪਹਿਲਵਾਨਾਂ ਨੂੰ ਵਧੀਆ ਢੰਗ ਨਾਲ ਟ੍ਰੇਨਿੰਗ ਦਿੰਦੇ ਹਨ। ਇਸ ਮੌਕੇ ਮੁਬਾਰਕਾਂ ਦੇਣ ਵਾਲਿਆਂ ਵਿੱਚ ਨੈਸ਼ਨਲ ਕੋਚ ਜੋਗਿੰਦਰ ਸਿੰਘ ਕਲਸੀ, ਮੱਖਣ ਸਿੰਘ ਹੱਪੋਵਾਲ, ਤਰਲੋਚਨ ਸਿੰਘ, ਸੁਖਵਿੰਦਰ ਸਿੰਘ ਲਾਦੀਆਂ ਤੇ ਦਲਵਿੰਦਰ ਸਿੰਘ ਬੰਗਾ ਵਿਸ਼ੇਸ਼ ਤੌਰ ’ਤੇ ਹਾਜ਼ਰ ਸਨ।
