ਰਮੇਸ਼ ਬਾਂਸਲ ਸਰਵਹਿੱਤਕਾਰੀ ਵਿੱਦਿਆ ਮੰਦਰ ਦੇ ਪ੍ਰਧਾਨ ਬਣੇ
ਜੈਤੋ, 4 ਸਤੰਬਰ (ਗੁਰਚਰਨ ਸਿੰਘ ਗਾਬੜੀਆ)-ਸ਼ਹੀਦ ਧਰਮਵੀਰ ਸਿੰਘ ਭਾਟੀਆ ਯਾਦਗਾਰੀ ਸਰਵਹਿੱਤਕਾਰੀ ਵਿੱਦਿਆ ਮੰਦਰ ਪ੍ਰਬੰਧਕ ਕਮੇਟੀ ਦੀ ਇਕ ਵਿਸ਼ੇਸ਼ ਮੀਟਿੰਗ ਸਰਵਹਿੱਤਕਾਰੀ ਸਿੱਖਿਆ ਸੰਮਤੀ ਪੰਜਾਬ ਦੇ ਸੀਨੀਅਰ ਮੀਤ ਪ੍ਰਧਾਨ ਡਾ. ਨਵਦੀਪ ਸ਼ੇਖਰ ਅਤੇ ਸੂਬਾ ਸੰਗੀਤ ਮੁਖੀ ਤੇਜਪਾਲ ਪਰਵਾਨਾ ਦੀ ਅਗਵਾਈ ਹੇਠ ਹੋਈ।
ਸ
ਸਰਵਹਿੱਤਕਾਰੀ ਵਿੱਦਿਆ ਮੰਦਰ ਜੈਤੋ ਦੀ ਮੀਟਿੰਗ ਵਿਚ ਚੁਣੇ ਅਹੁਦੇਦਾਰ ਤੇ ਮੈਂਬਰ। ਤਸਵੀਰ : ਗੁਰਚਰਨ ਸਿੰਘ ਗਾਬੜੀਆ
05-09-2026
ਜੈਤੋ, 4 ਸਤੰਬਰ (ਗੁਰਚਰਨ ਸਿੰਘ ਗਾਬੜੀਆ)-ਸ਼ਹੀਦ ਧਰਮਵੀਰ ਸਿੰਘ ਭਾਟੀਆ ਯਾਦਗਾਰੀ ਸਰਵਹਿੱਤਕਾਰੀ ਵਿੱਦਿਆ ਮੰਦਰ ਪ੍ਰਬੰਧਕ ਕਮੇਟੀ ਦੀ ਇਕ ਵਿਸ਼ੇਸ਼ ਮੀਟਿੰਗ ਸਰਵਹਿੱਤਕਾਰੀ ਸਿੱਖਿਆ ਸੰਮਤੀ ਪੰਜਾਬ ਦੇ ਸੀਨੀਅਰ ਮੀਤ ਪ੍ਰਧਾਨ ਡਾ. ਨਵਦੀਪ ਸ਼ੇਖਰ ਅਤੇ ਸੂਬਾ ਸੰਗੀਤ ਮੁਖੀ ਤੇਜਪਾਲ ਪਰਵਾਨਾ ਦੀ ਅਗਵਾਈ ਹੇਠ ਹੋਈ। ਡਾ. ਨਵਦੀਪ ਸ਼ੇਖਰ ਨੇ ਕਿਹਾ ਕਿ ਸਰਵਹਿੱਤਕਾਰੀ ਸਿੱਖਿਆ ਸੰਮਤੀ ਪੰਜਾਬ ਵਲੋਂ ਸਰਵਹਿੱਤਕਾਰੀ ਵਿੱਦਿਆ ਮੰਦਰ ਜੈਤੋ ਦੀ ਪ੍ਰਬੰਧਕੀ ਕਮੇਟੀ ਦਾ ਪੁਨਰ ਗਠਨ ਕੀਤਾ ਗਿਆ ਹੈ। ਜਿਸ ਵਿਚ ਸੇਵਾ ਮੁਕਤ ਅਧਿਆਪਕ ਰਮੇਸ਼ ਬਾਂਸਲ ਨੂੰ ਪ੍ਰਧਾਨ, ਮਨੀਸ਼ ਕੁਮਾਰ ਪਿ੍ਰੰਸੀਪਲ ਨੂੰ ਜਨਰਲ ਸਕੱਤਰ ਅਤੇ ਰਮੇਸ਼ ਚੰਦਰ ਸ਼ਰਮਾ ਨੂੰ ਮੈਨੇਜਰ ਅਤੇ ਸੰਦੀਪ ਧੂੜੀਆ ਸਟੇਟ ਰਿਪ੍ਰਜੈਂਟੇਟਿਵ, ਡਗਰ ਕਾਂਤ ਸ਼ਰਮਾ, ਬਲਤੇਜ ਕੁਮਾਰ ਸਦਾਵਰਤੀਆ, ਮਨੋਜ ਗੋਇਲ, ਰਾਜੀਵ ਗੋਇਲ ਬਿੱਟੂ ਬਾਦਲ, ਸ਼ਾਮ ਲਾਲ ਸਦਾਵਰਤੀਆ, ਰਵਿੰਦਰ ਤਾਇਲ, ਪਵਨ ਕੁਮਾਰ ਗਰਗ, ਮੋਹਿਤ ਕੁਮਾਰ ਚਾਰਟਰਡ ਅਕਾਊਂਟੈਂਟ, ਸੰਜੀਤ ਕੁਮਾਰ ਆਦਿ ਨੂੰ ਮੈਂਬਰ ਨਿਯੁਕਤ ਕੀਤਾ ਗਿਆ। ਇਸ ਤੋਂ ਬਾਅਦ ਸਕੂਲ ਦੇ ਨਵ - ਨਿਯੁਕਤ ਪ੍ਰਧਾਨ ਰਮੇਸ਼ ਕੁਮਾਰ ਬਾਂਸਲ ਅਤੇ ਮੈਨੇਜਰ ਰਮੇਸ਼ ਚੰਦਰ ਸ਼ਰਮਾ ਦੀ ਉਪਰੋਕਤ ਕਮੇਟੀ ਮੈਂਬਰਾਂ ਨਾਲ ਜਾਣ-ਪਛਾਣ ਕਰਵਾਈ ਗਈ। ਸਕੂਲ ਦੇ ਸੁਚਾਰੂ ਕੰਮਕਾਜ ਅਤੇ ਸਮੁੱਚੇ ਵਿਕਾਸ ਨੂੰ ਧਿਆਨ ਵਿਚ ਰੱਖਦੇ ਹੋਏ। ਪ੍ਰਬੰਧਨ ਕਮੇਟੀ ਦੇ ਮੈਂਬਰਾਂ ਨੂੰ ਵੱਖ-ਵੱਖ ਵਿਭਾਗਾਂ ਦੀਆਂ ਜ਼ਿੰਮੇਵਾਰੀਆਂ ਸੌਂਪੀਆਂ ਗਈਆਂ। ਇਨ੍ਹਾਂ ਵਿਚ ਇਮਾਰਤ ਅਤੇ ਰੱਖ-ਰਖਾਅ ਵਿਭਾਗ, ਅਕਾਦਮਿਕ ਵਿਭਾਗ, ਸੱਭਿਆਚਾਰ ਵਿਭਾਗ, ਵਾਤਾਵਰਨ ਅਤੇ ਖੇਡ ਵਿਭਾਗ ਅਤੇ ਵਿੱਤ ਵਿਭਾਗ ਸ਼ਾਮਿਲ ਹਨ। ਸਾਰੇ ਮੈਂਬਰਾਂ ਨੇ ਸਕੂਲ ਦੀ ਅਕਾਦਮਿਕ ਗੁਣਵੱਤਾ, ਅਨੁਸ਼ਾਸਨ, ਕਦਰਾਂ-ਕੀਮਤਾਂ, ਖੇਡਾਂ, ਸੱਭਿਆਚਾਰ, ਵਾਤਾਵਰਣ, ਬੁਨਿਆਦੀ ਢਾਂਚਾ ਅਤੇ ਵਿੱਤੀ ਪ੍ਰਣਾਲੀ ਨੂੰ ਹੋਰ ਮਜ਼ਬੂਤ ਕਰਨ ਲਈ ਮਿਲ ਕੇ ਕੰਮ ਕਰਨ ਦਾ ਵਾਅਦਾ ਕੀਤਾ। ਨਵੀਂ ਬਣੀ ਕਮੇਟੀ ਨੇ ਵਿਸ਼ਵਾਸ ਪ੍ਰਗਟ ਕੀਤਾ ਕਿ ਸਾਰਿਆਂ ਦੇ ਸਮਰਥਨ, ਮਾਰਗ ਦਰਸ਼ਨ ਅਤੇ ਸਮੂਹਿਕ ਯਤਨਾਂ ਨਾਲ, ਸਰਵਹਿੱਤਕਾਰੀ ਵਿਦਿਆ ਮੰਦਰ ਜੈਤੋ ਤਰੱਕੀ ਕਰਦਾ ਰਹੇਗਾ ਅਤੇ ਆਪਣੇ ਵਿਦਿਆਰਥੀਆਂ ਦੇ ਸਮੁੱਚੇ ਵਿਕਾਸ ਵਿਚ ਮਹੱਤਵਪੂਰਨ ਭੂਮਿਕਾ ਨਿਭਾਵੇਗਾ।
