ਲਸ਼ਕਰ ਕਮਾਂਡਰ ਮੁਹੰਮਦ ਸਰਵਰ ਦੀ ਲਾਹੌਰ ’ਚ ਮੌਤ

ਅ

ਅਜੀਤ ਡੈਸਕ 20-10-2026

ਅੰਮ੍ਰਿਤਸਰ, 19 ਅਕਤੂਬਰ (ਸੁਰਿੰਦਰ ਕੋਛੜ)-ਅਮਰੀਕਾ ਵਲੋਂ ਗਲੋਬਲ ਅੱਤਵਾਦੀ ਐਲਾਨੇ ਗਏ ਲਸ਼ਕਰ-ਏ-ਤੋਇਬਾ ਦੇ ਸੀਨੀਅਰ ਕਮਾਂਡਰ ਮੁਹੰਮਦ ਸਰਵਰ ਉਰਫ਼ ਅਬੂ ਹਾਸ਼ਿਮ ਦੀ ਲਾਹੌਰ ਵਿਖੇ ਸ਼ੱਕੀ ਹਾਲਾਤਾਂ ’ਚ ਮੌਤ ਹੋ ਗਈ। ਸਰਵਰ ਪਾਕਿਸਤਾਨ ਮਰਕਜ਼ੀ ਮੁਸਲਿਮ ਲੀਗ (ਪੀ. ਐੱਮ. ਐੱਮ. ਐਲ.) ਦੀ ਪੰਜਾਬ ਇਕਾਈ ਦਾ ਪ੍ਰਧਾਨ ਸੀ, ਜੋ ਕਿ ਮੁੰਬਈ ਹਮਲੇ ਦੇ ਮੁੱਖ ਸਾਜਿਸ਼ਘਾੜੇ ਮੌਲਾਨਾ ਹਾਫ਼ਿਜ਼ ਸਈਦ ਦੇ ਸੰਗਠਨ ਜਮਾਤ-ਉਦ-ਦਾਵਾ ਦਾ ਸਿਆਸੀ ਵਿੰਗ ਹੈ। ਲਸ਼ਕਰ ਕਮਾਂਡਰ ਸਰਵਰ ਲਸ਼ਕਰ-ਏ-ਤੋਇਬਾ ਚੀਫ਼ ਹਾਫ਼ਿਜ਼ ਸਈਦ ਦਾ ਬੇਹੱਦ ਕਰੀਬੀ ਮੰਨਿਆ ਜਾਂਦਾ ਸੀ। ਰਿਪੋਰਟਾਂ ਅਨੁਸਾਰ ਸਰਵਰ ਦੀ ਮੌਤ ਲਾਹੌਰ ਸਥਿਤ ‘ਮਰਕਜ਼ ਅਲ-ਕਾਦਸੀਆ’ ਦੀ ਚੌਥੀ ਮੰਜ਼ਿਲ ਤੋਂ ਡਿੱਗਣ ਕਾਰਨ ਹੋਈ।

ਪਿਛਲੀ ਖ਼ਬਰ ਕੈਲਗਰੀ ਤੇ ਅਮਰੀਕਾ ਹੋਣ ਵਾਲੇ ਸਿੱਧੂ ਮੂਸੇਵਾਲਾ ਦੇ ਸ਼ੋਅ ‘ ਸਾਈਨਡ ਟੂ ਗੌਡ ਟੂਰ’ ਮੁਲਤਵੀ - ਬਲਕੌਰ ਸਿੰਘ ਸਿੱਧੂ ਅਗਲੀ ਖ਼ਬਰ ਮੌਲਾਨਾ ਰਹਿਮਾਨ ਨੇ ਪਾਕਿਸਤਾਨੀ ਨੀਤੀਆਂ ’ਤੇ ਚੁੱਕੇ ਸਵਾਲ