ਘੁਡਾਣੀ ਕਲਾਂ ਵਿਖੇ ਬਾਬਾ ਸ੍ਰੀਚੰਦ ਜੀ ਦੇ 532ਵੇਂ ਜਨਮ ਦਿਹਾੜੇ ਮੌਕੇ ਸਮਾਗਮ ਕਰਵਾਇਆ

ਰਾੜਾ ਸਾਹਿਬ, 20 ਸਤੰਬਰ (ਸੁਖਵੀਰ ਸਿੰਘ ਚਣਕੋਈਆਂ)-ਉਦਾਸੀਨ ਡੇਰਾ ਭਗਵਾਨ ਸ੍ਰੀਚੰਦ ਜੀ ਘੁਡਾਣੀ ਕਲਾਂ ਵਿਖੇ ਸਮੂਹ ਨਗਰ ਵਾਸੀਆਂ ਦੇ ਸਾਂਝੇ ਸਹਿਯੋਗ ਸਦਕਾ ਪ੍ਰਬੰਧਕ ਕਮੇਟੀ ਵਲੋਂ ਮਹੰਤ ਧੁੰਨੀ ਦਾਸ (ਪ੍ਰਧਾਨ ਸ੍ਰੀ ਪੰਚਾਇਤੀ ਉਦਾਸੀਨ ਨਿਆ ਅਖਾੜਾ ਨਿਵਾਨ ਕਨਖਲ ਹਰਿਦੁਆਰ ਗੱਦੀ ਨਸੀਨ ਉਦਾਸੀਨ) ਦੀ ਰਾਹਿਨੁਮਾਈ ਹੇਠ ਬਾਬਾ ਸ੍ਰੀਚੰਦ ਜੀ ਦੇ 532ਵੇਂ ਜਨਮ ਦਿਹਾੜੇ ਮੌਕੇ ਸਮਾਗਮ ਕਰਵਾਇਆ, ਜਿਸ ਵਿਚ ਸ੍ਰੀ ਸੁਖਮਨੀ ਸਾਹਿਬ ਦੇ ਪਾਠ ਦੇ ਭੋਗ ਪਾਏ ਗਏ ਉਪਰੰਤ ਗਿਆਨੀ ਹਰਪ੍ਰੀਤ ਸਿੰਘ ਤੇ ਗੁਰਪ੍ਰੀਤ ਸਿੰਘ ਨੇ ਸੰਗਤਾਂ ਨੂੰ ਕਥਾ-ਕੀਰਤਨ ਦੁਆਰਾ ਨਿਹਾਲ ਕੀਤਾ। ਸਮਾਗਮ ਵਿਚ ਡੇਰਾ ਬਾਬਾ ਬਿਸ਼ਨਾ ਦਾਸ ਮਹਾਰਾਜ ਅਕਾੜ (ਦਿੱਤੂਪੁਰ ਫਕੀਰਾਂ) ਜ਼ਿਲ੍ਹਾ ਪਟਿਆਲਾ, ਮਹੰਤ ਗੰਗਾ ਰਾਮ ਡੇਰਾ ਸਾਹਿਬ ਨਾਨਕਸਰ ਕੁਲਾੜ, ਮਹੰਤ ਰਾਮ ਸਰਨ ਦਾਸ ਡੇਰਾ ਲਲੋਸੀ ਪਟਿਆਲਾ, ਮਹੰਤ ਗਿਆਨ ਪ੍ਰਕਾਸ਼ ਡੇਰਾ ਰੱਲਾ ਮਾਨਸਾ, ਮਹੰਤ ਬੁੱਧ ਦਾਸ ਡੇਰਾ ਬਾਦਸ਼ਾਹਪੁਰ ਧੂਰੀ, ਮਹੰਤ ਧਰਮੁ ਮੁਨੀ ਡੇਰਾ ਸਾਹਿਬ ਅਲਾਲ ਆਦਿ ਨੇ ਹਾਜ਼ਰੀ ਭਰੀ ਜਦਕਿ ਸ਼੍ਰੋਮਣੀ ਅਕਾਲੀ ਦਲ ਵਾਰਿਸ ਪੰਜਾਬ ਦੇ ਹਲਕਾ ਪਾਇਲ ਦੇ ਇੰਚਾਰਜ ਸੰਦੀਪ ਸਿੰਘ ਰੁਪਾਲੋਂ ਸਮੇਤ ਵੱਖ-ਵੱਖ ਸਿਆਸੀ, ਗੈਰ ਸਿਆਸੀ, ਧਾਰਮਿਕ ਤੇ ਸਮਾਜਿਕ ਆਗੂਆਂ ਨੇ ਵੀ ਹਾਜਰੀ ਭਰੀ।