ਦੁਰਗਾ ਮੰਦਰ ਵਿਖੇ ਨਵਰਾਤਰੀ ਦਾ ਤਿਉਹਾਰ ਧੂਮਧਾਮ ਨਾਲ ਮਨਾਇਆ

ਅ

ਅਜੀਤ ਡੈਸਕ 13-10-2026

ਕਾਲਾਂਵਾਲੀ/ਸਿਰਸਾ, 12 ਅਕਤੂਬਰ (ਭੁਪਿੰਦਰ ਪੰਨੀਵਾਲੀਆ)- ਸ਼੍ਰੀ ਦੁਰਗਾ ਮੰਦਰ ਕਮੇਟੀ ਦੇ ਪ੍ਰਧਾਨ ਨਰੇਸ਼ ਸਿੰਗਲਾ ਦੀ ਨਿਗਰਾਨੀ ਹੇਠ ਸ਼੍ਰੀ ਦੁਰਗਾ ਮੰਦਰ ਵਿਖੇ ਦੇਵੀ ਦੁਰਗਾ ਦਾ ਪਹਿਲਾ ਨਵਰਾਤਾ ਮਨਾਇਆ ਗਿਆ। ਸਮਾਜ ਸੇਵਕ ਚਰਨਦਾਸ ਚੰਨੀ ਇਸ ਸਮਾਗਮ ਵਿਚ ਮੁੱਖ ਮਹਿਮਾਨ ਵਜੋਂ ਸ਼ਾਮਲ ਹੋਏ। ਦੇਵੀ ਦੁਰਗਾ ਦੀ ਆਰਤੀ ਕੀਤੀ ਗਈ ਤੇ ਕੰਨਿਆ ਪੂਜਨ ਕੀਤਾ ਗਿਆ। ਮੰਦਰ ਦੇ ਪੁਜਾਰੀ ਸ਼ੰਮੀ ਸ਼ਰਮਾ ਤੇ ਪੰਡਿਤ ਵਰਿੰਦਰ ਸ਼ਰਮਾ ਨੇ ਜਾਪ ਰਸਮ ਕੀਤੀ। ਆਰਤੀ ਦੌਰਾਨ ਮੰਦਰ ਦੀ ਭਜਨ ਮੰਡਲੀ ਨੇ ਦੇਵੀ ਦੀ ਉਸਤਤ ਵਿੱਚ ਸੁੰਦਰ ਭਜਨ ਗਾਏ। ਸ਼੍ਰੀ ਪ੍ਰਾਚੀਨ ਦੁਰਗਾ ਮੰਦਰ ਕਮੇਟੀ ਦੇ ਮੈਂਬਰ ਪਵਨ ਬਾਗੜੀ, ਵਿੱਕੀ ਬਾਂਸਲ ਤੇ ਰਾਜਬੀਰ ਸਿੰਘ ਨੇ ਦੱਸਿਆ ਕਿ ਹਮੇਸ਼ਾ ਵਾਂਗ ਇਸ ਤਿਉਹਾਰ ਨੂੰ ਮਨਾਉਣ ਲਈ ਹਰ ਰਾਤ ਦੇਵੀ ਦੁਰਗਾ ਦੀ ਉਸਤਤ ਗਾਈ ਜਾਵੇਗੀ। ਇਸ ਮੌਕੇ ਕ੍ਰਿਸ਼ਨ ਗਰਗ ਪੱਕੇ ਵਾਲਾ, ਚਰਨਦਾਸ ਚੰਨੀ, ਰਾਜਬੀਰ ਸਿੰਘ, ਮਨੀਸ਼ ਗੋਇਲ, ਰਿੰਕੂ ਗਰਗ, ਵਿੱਕੀ ਬਾਂਸਲ, ਸੋਨੂੰ ਗਰਗ, ਚਿੰਟੂ ਬਾਂਸਲ, ਸੋਮਦਤ ਸ਼ਰਮਾ, ਅਸ਼ੋਕ ਕੁਮਾਰ ਆਦਿ ਹਾਜ਼ਰ ਸਨ।

ਪਿਛਲੀ ਖ਼ਬਰ ਕਸਤੂਰਬਾ ਗਾਂਧੀ ਬਾਲਿਕਾ ਵਿਦਿਆਲਿਆ ਤੇ ਮਿਡਲ ਸਕੂਲ ਖਾਈ ਦਾ ਅਚਨਚੇਤ ਨਿਰੀਖਣ ਅਗਲੀ ਖ਼ਬਰ ਗੁਰੂ ਰਾਮਦਾਸ ਜੀ ਦੇ ਪ੍ਰਕਾਸ਼ ਪੁਰਬ ਸਮਾਗਮਾਂ ਸੰਬੰਧੀ ਮੀਟਿੰਗ ਕੀਤੀ