ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ 2014 'ਚ ਅੱਠ ਦੇਸ਼ਾਂ ਦੇ ਸਮੂਹ ਜੀ8 ਤੋਂ ਰੂਸ ਦੇ ਕੱਢੇ ਜਾਣ 'ਤੇ ਬਹਿਸ ਨੂੰ ਮੁੜ ਸ਼ੁਰੂ ਕਰ ਦਿੱਤਾ ਹੈ | ਇਸ ਨੂੰ ਕੈਨੇਡਾ 'ਚ ਜੀ7 ਸੰਮੇਲਨ ਦੌਰਾਨ ਵੱਡੀ ਗਲਤੀ ਕਿਹਾ ਹੈ | ਰੂਸ ਨੇ ਉਨ੍ਹਾਂ ਦੀਆਂ ਟਿੱਪਣੀਆਂ ਦਾ ਸਵਾਗਤ ਕਰਦੇ ਹੋਏ ਕਿਹਾ ਕਿ ਉਹ ਟਰੰਪ ਦੇ ਮੁਲਾਂਕਣ ਨਾਲ ਸਹਿਮਤ ਹਨ, ਪਰ ਮੌਜੂਦਾ ਵਿਸ਼ਵ ਸੰਦਰਭ 'ਚ ਰੂਸ ਜੀ7 ਨੂੰ ਬਿਲਕੁਲ ਬੇਕਾਰ ਕਰਾਰ ਦਿੱਤਾ | ਜੀ7 ਸੰਮੇਲਨ ਦੀ ਸ਼ੁਰੂਆਤ 'ਚ ਕੈਨੇਡੀਅਨ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨਾਲ ਬੋਲਦੇ ਹੋਏ ਟਰੰਪ ਨੇ ਕਿਹਾ ਕਿ ਜੇਕਰ ਰੂਸ ਜੀ8 'ਚ ਰਹਿੰਦਾ ਤਾਂ ਯੂਕਰੇਨ 'ਚ ਜੰਗ ਟਾਲੀ ਜਾ ਸਕਦੀ ਸੀ | ਟਰੰਪ ਨੇ ਪੱਤਰਕਾਰਾਂ ਨੂੰ ਕਿਹਾ ਕਿ ਜੀ7 ਪਹਿਲਾਂ ਜੀ8 ਹੁੰਦਾ ਸੀ |
