ਜੇਨੇਵਾ, 20 ਜੂਨ (ਏਜੰਸੀ)-ਈਰਾਨ ਦੇ ਵਿਦੇਸ਼ ਮੰਤਰੀ ਨੇ ਜੇਨੇਵਾ 'ਚ ਚੋਟੀ ਦੇ ਯੂਰਪੀਅਨ ਨੇਤਾਵਾਂ ਨਾਲ ਮੌਜੂਦਾ ਸੰਕਟ ਬਾਰੇ ਗੱਲਬਾਤ ਕੀਤੀ, ਜੋ ਕਿ ਆਪਣੇ ਦੇਸ਼ ਦੇ ਪ੍ਰਮਾਣੂ ਪ੍ਰੋਗਰਾਮ ਬਾਰੇ ਚਿੰਤਾਵਾਂ 'ਤੇ ਕੇਂਦਰਿਤ ਰਹੀ | ਵਿਦੇਸ਼ ਮੰਤਰੀ ਅੱਬਾਸ ਅਰਾਘਚੀ ਨੇ ਫਰਾਂਸ, ਜਰਮਨੀ ਤੇ ਯੂ.ਕੇ. ਦੇ ਆਪਣੇ ਹਮਰੁਤਬਾ ਤੇ ਯੂਰਪੀਅਨ ਯੂਨੀਅਨ ਦੇ ਵਿਦੇਸ਼ ਨੀਤੀ ਮੁਖੀ ਨਾਲ ਸਵਿਟਜ਼ਰਲੈਂਡ ਦੇ ਇਕ ਹੋਟਲ 'ਚ ਮੀਟਿੰਗ ਕੀਤੀ, ਜਿਸ ਦੌਰਾਨ ਉਨ੍ਹਾਂ ਨੂੰ ਭਾਵੇਂ ਤੁਰੰਤ ਕੋਈ ਠੋਸ ਸਫ਼ਲਤਾ ਤਾਂ ਨਹੀਂ ਮਿਲੀ ਪਰ ਇਸ ਨੇ ਅੱਗੇ ਹੋਰ ਗੱਲਬਾਤ ਦੀ ਉਮੀਦ ਜ਼ਰੂਰ ਜਗਾਈ ਹੈ |