ਦਿੱਲੀ ਬੰਬ ਧਮਾਕੇ ਦੀ ਜਾਂਚ ਕਰ ਰਹੀਆਂ ਸੁਰੱਖਿਆ ਏਜੰਸੀਆਂ ਦੇ ਹਵਾਲੇ ਨਾਲ ਹੈਰਾਨ ਕਰਨ ਵਾਲਾ ਖ਼ੁਲਾਸਾ ਹੋਇਆ ਹੈ, ਜਿਸ ਮੁਤਾਬਿਕ ਧਮਾਕੇ ਦੇ ਮੁੱਖ ਦੋਸ਼ੀ ਡਾ. ਉਮਰ ਨਬੀ ਨੇ ਲਾਲ ਕਿਲ੍ਹੇ ਦੀ ਕਾਰ ਪਾਰਕਿੰਗ 'ਚ ਹੀ ਬੰਬ ਨੂੰ ਤਿਆਰ (ਅਸੈਂਬਲ) ਕੀਤਾ ਸੀ | ਧਮਾਕੇ ਤੋਂ ਪਹਿਲਾਂ ਉਸ ਨੇ ਸੁਨਹਿਰੀ ਮਸਜਿਦ ਦੀ ਕਾਰ ਪਾਰਕਿੰਗ 'ਚ ਕਰੀਬ 3 ਘੰਟੇ ਦਾ ਸਮਾਂ ਬਤੀਤ ਕੀਤਾ | ਉਹ 3.19 ਵਜੇ ਪਾਰਕਿੰਗ 'ਚ ਦਾਖਲ ਹੋਇਆ ਤੇ 6.28 ਵਜੇ ਬਾਹਰ ਨਿਕਲਿਆ ਤੇ ਫਿਰ ਸ਼ਾਮ 6.52 ਵਜੇ ਧਮਾਕਾ ਹੋ ਗਿਆ | ਜਾਂਚ ਏਜੰਸੀਆਂ ਇਸ ਸਵਾਲ ਦਾ ਜਵਾਬ ਲੱਭ ਰਹੀਆਂ ਹਨ ਕਿ ਆਖਿਰ ਉਮਰ ਨੇ ਇੰਨੀ ਦੇਰ ਕਾਰ ਪਾਰਕਿੰਗ 'ਚ ਕੀ ਕੀਤਾ? ਸੂਤਰਾਂ ਮੁਤਾਬਿਕ ਉਮਰ ਕਿਸੇ ਅਜਿਹੀ ਥਾਂ ਦੀ ਵੀ ਤਲਾਸ਼ ਕਰ ਰਿਹਾ ਸੀ, ਜਿੱਥੇ ਧਮਾਕੇ ਦਾ ਜ਼ਿਆਦਾ ਅਸਰ ਹੋਵੇ |
