ਗੜ੍ਹਸ਼ੰਕਰ, 18 ਜੂਨ (ਧਾਲੀਵਾਲ)-ਦਰਬਾਰ ਬਾਬਾ ਮੀਂਹਮੱਲ ਸ਼ਾਹ ਜੀ ਕਾਦਰੀ ਟਰੱਸਟ ਪਿੰਡ ਵਾਹਿਦਪੁਰ ਵਲੋਂ ਦਰਬਾਰ ਬਾਬਾ ਜਾਨੀ ਸ਼ਾਹ ਕਾਦਰੀ ਪਿੰਡ ਮੋਇਲਾ ਵਾਹਿਦਪੁਰ ਵਿਖੇ ਕਰਵਾਇਆ ਜਾ ਰਿਹਾ ਤਿੰਨ ਦਿਨਾਂ ਜੋੜ ਮੇਲਾ ਆਰੰਭ ਹੋ ਗਿਆ | ਮੁੱਖ ਸੇਵਾਦਾਰ ਡਾ. ਨਰਿੰਦਰ ਕੁਮਰ ਦੀ ਅਗਵਾਈ ਹੇਠ ਕਰਵਾਏ ਜਾ ਰਹੇ ਜੋੜ ਮੇਲੇ 'ਚ ਉੱਘੇ ਲੋਕ ਗਾਇਕ ਕੰਵਰ ਗਰੇਵਾਲ ਨੇ ਆਪਣੀ ਸਮਾਜਿਕ ਗਾਇਕੀ ਰਾਹੀਂ ਸਰੋਤਿਆਂ ਨੂੰ ਝੂਮਣ ਲਾ ਦਿੱਤਾ | ਪ੍ਰੋਗਰਾਮ ਦੌਰਾਨ ਗਾਇਕ ਹਰਿੰਦਰ ਸੰਧੂ ਅਤੇ ਅਮਨ ਧਾਲੀਵਾਲ ਦੀ ਜੋੜ ਨੇ ਵੀ ਆਪਣੇ ਗੀਤਾਂ ਰਾਹੀਂ ਖੂਬ ਰੰਗ ਬੰਨਿ੍ਹਆਂ | ਇਸੇ ਤਰ੍ਹਾਂ ਗਾਇਕ ਜੋੜੀ ਹਰਜੀਤ ਸਿੱਧੂ ਅਤੇ ਪਰਵੀਨ ਦਰਦੀ ਦੇ ਪ੍ਰੋਗਰਾਮ ਦਾ ਵੀ ਸਰੋਤਿਆਂ ਨੇ ਭਰਵਾਂ ਆਨੰਮ ਮਾਣਿਆਂ | ਮੇਲੇ ਦੌਰਾਨ ਮੁੱਖ ਪ੍ਰਬੰਧਕ ਡਾ. ਨਰਿੰਦਰ ਕੁਮਾਰ ਨੇ ਪਹੁੰਚੀਆਂ ਸੰਗਤਾਂ ਦਾ ਧੰਨਵਾਦ ਕੀਤਾ | ਡਾ. ਕੁਮਾਰ ਗੌਰਵ ਅਤੇ ਡਾ. ਅਮਨਦੀਪ ਸਿੰਘ ਨੇ ਸਟੇਜ ਤੋਂ ਗਾਇਕਾਂ ਦਾ ਸਨਮਾਨ ਕੀਤਾ |
