ਗੜ੍ਹਸ਼ੰਕਰ, 2 ਸਤੰਬਰ (ਧਾਲੀਵਾਲ) -ਜ਼ਿਲ੍ਹਾ ਪੁਲਿਸ ਮੁਖੀ ਪਾਸ ਅਮਰੀਕ ਸਿੰਘ ਪੁੱਤਰ ਬਤਨ ਸਿੰਘ ਵਾਸੀ ਪਿੰਡ ਕੁੱਕੜ ਮਜਾਰਾ ਨੇ ਦਰਖਾਸਤ ਦਿੱਤੀ ਜਿਸ 'ਚ ਸੰਜੀਵ ਕੁਮਾਰ ਟਰੈਵਲ ਏਜੰਟ ਪੁੱਤਰ ਰਾਜ ਕੁਮਾਰ, ਮੇਘਾ ਪਤਨੀ ਸੰਜੀਵ ਕੁਮਾਰ ਵਾਸੀਅਨ ਅਨੰਦ ਐਨਕਲੇਵ ਪਿੰਡ ਭੰਮੀਆਂ ਥਾਣਾ, ਹਰਦੀਪ ਸਿੰਘ ਪੇਲਿਆ ਪੁੱਤਰ ਜਗੀਰ ਸਿੰਘ, ਆਸ਼ੂ ਪੁੱਤਰ ਹਰਦੀਪ ਸਿੰਘ ਪੇਲਿਆ ਵਾਸੀਆਨ ਬੇਗੋਵਾਲ ਭੁਲੱਥ ਰੋਡ ਕਪੂਰਥਲਾ, ਰਾਖੀ ਪਤਨੀ ਨਾਮਾਲੂਮ ਬਾਬਤ ਵਿਦੇਸ਼ ਆਸਟ੍ਰੇਲੀਆ ਭੇਜਣ ਦਾ ਝਾਂਸਾ ਦੇ ਕੇ 4 ਲੱਖ ਰੁਪਏ ਦੀ ਠੱਗੀ ਮਾਰਨ ਸੰਬੰਧੀ ਬਾਅਦ ਇਨਕੁਆਰੀ ਪੁਲਿਸ ਤਪਤਾਨ ਤਫ਼ਤੀਸ਼ ਹੁਸ਼ਿਆਰਪੁਰ ਕਰਨ 'ਤੇ ਅਰਸ਼ਦੀਪ ਆਸ਼ੂ ਤੇ ਰਾਖੀ ਵਲੋਂ ਦਰਖਾਸਤ ਧਿਰ ਨਾਲ ਧੋਖਾਧੜੀ ਕਰਨ ਸੰਬੰਧੀ ਤੱਥ ਸਾਹਮਣੇ ਨਹੀਂ ਆਏ | ਪੁਲਿਸ ਨੇ ਜ਼ੁਰਮ ਸਾਬਤ ਹੋਣ 'ਤੇ ਸੰਜੀਵ ਕੁਮਾਰ, ਮੇਘਾ ਤੇ ਹਰਦੀਪ ਸਿੰਘ ਪੇਲਿਆ ਖ਼ਿਲਾਫ਼ ਮੁਕੱਦਮਾ ਦਰਜ ਕਰਨ ਦੀ ਸਿਫ਼ਾਰਿਸ਼ ਉਪਰੰਤ ਜ਼ਿਲ੍ਹਾ ਪੁਲਿਸ ਮੁਖੀ ਜਾਰੀ ਹੁਕਮਾਂ 'ਤੇ ਥਾਣਾ ਗੜ੍ਹਸ਼ੰਕਰ ਵਿਖੇ ਮਾਮਲਾ ਦਰਜ ਕੀਤਾ ਗਿਆ ਹੈ |
