ਕੋਟਫ਼ਤੂਹੀ, 2 ਸਤੰਬਰ (ਅਟਵਾਲ)-ਸਥਾਨਕ ਬਿਜਲੀ ਘਰ 'ਚ ਬੀਤੀ ਸ਼ਾਮ ਪਿੰਡ ਝੱਜ ਵਲੋਂ ਖੇਤਾਂ ਅਤੇ ਪਿੰਡ ਠੁਆਣਾ ਦੇ ਬਰਸਾਤੀ ਚੋਅ ਦਾ ਬੇਹਿਸਾਬਾ ਪਾਣੀ ਆ ਗਿਆ, ਜੋ ਬਿਜਲੀ ਘਰ ਦੇ ਅੰਦਰ ਬਿਜਲੀ ਸਪਲਾਈ ਲਈ 66 ਕੇ. ਵੀ. ਸਬ ਸਟੇਸ਼ਨ ਦੇ ਮਸ਼ੀਨਾਂ ਵਾਲੇ ਕਮਰੇ 'ਚ ਹੇਠਾਂ ਪਾਈਆ ਕੇਬਲਾਂ ਦੇ ਹੇਠਾਂ ਬਣਾਈਆਂ ਪੱਕੀਆਂ ਟਰਾਚਾ 'ਚ ਆ ਗਿਆ ਜਿਸ ਨੂੰ ਮੌਕੇ 'ਤੇ ਡਿਊਟੀ ਤੇ ਮੁਲਾਜ਼ਮਾਂ ਨੇ ਆਪਣੀ ਸੂਝ ਬੂਝ ਨਾਲ ਕੰਟਰੋਲ ਕਰਦੇ ਹੋਏ ਕਮਰੇ ਦੇ ਆਸ-ਪਾਸ ਮਿੱਟੀ ਨਾਲ ਬੋਰੇ ਭਰ ਕੇ ਲਗਾਏ ਤੇ ਇਕ ਪਾਣੀ ਵਾਲੀ ਮੋਟਰ ਲਗਾ ਕਿ ਸਾਰੀ ਰਾਤ ਪਿੱਛਿਓਾ ਆਉਣ ਵਾਲਾ ਪਾਣੀ ਬਾਹਰ ਕੱਢ ਕੇ ਬਿਜਲੀ ਦੀ ਸਪਲਾਈ ਨਿਰਵਿਘਨ ਚਾਲੂ ਰੱਖੀ | ਜਦ ਕਿ ਇਸ ਮਸ਼ੀਨਾਂ ਵਾਲਾ ਕਮਰਾ ਦੀ ਬਿਲਡਿੰਗ ਪੁਰਾਣੀ ਹੋਰ ਕਰ ਕੇ ਵੀ ਉੱਪਰੋਂ ਵੀ ਬੁਰੀ ਤਰ੍ਹਾਂ ਚੋਅ ਰਿਹਾ ਹੈ | ਜਿਸ ਦਾ ਪੱਕੇ ਤੌਰ 'ਤੇ ਹੱਲ ਕਰਨ ਦੀ ਥਾਂ ਮੌਕੇ 'ਤੇ ਡੰਗ ਟਪਾਓ ਕੰਮ ਕਰ ਰਹੇ ਹਨ, ਜਦ ਕਿ ਇਸ ਸਟੇਸ਼ਨ ਦੇ ਬਾਹਰ ਪੱਕੇ ਤੌਰ 'ਤੇ ਕੰਧ ਬਣਾ ਕੇ ਬਿਜਲੀ ਘਰ ਦੇ ਅੰਦਰ ਆਉਣ ਵਾਲਾ ਰੋਕਿਆ ਜਾ ਸਕਦਾ ਹੈ |
