ਨਵਾਂਸ਼ਹਿਰ, 16 ਅਕਤੂਬਰ (ਜਸਬੀਰ ਸਿੰਘ ਨੂਰਪੁਰ)-ਮੈਡੀਕਲ ਪ੍ਰੈਕਟੀਸ਼ਨਰਜ਼ ਐਸੋਸੀਏਸ਼ਨ ਪੰਜਾਬ ਦੀ ਬਲਾਕ ਨਵਾਂਸ਼ਹਿਰ ਦੀ ਮੀਟਿੰਗ ਬਲਾਕ ਪ੍ਰਧਾਨ ਡਾ. ਪਰਮਜੀਤ ਬੱਧਣ ਦੀ ਪ੍ਰਧਾਨਗੀ ਹੇਠ ਕੀਤੀ ਗਈ | ਮੀਟਿੰਗ ਵਿਚ ਸਮੂਹ ਬਲਾਕ ਮੈਂਬਰਾਨ ਨੂੰ ਮੈਂਬਰਸ਼ਿਪ ਸਰਟੀਫਿਕੇਟਾਂ ਦਾ ਵਟਾਂਦਰਾ ਕੀਤਾ | ਉਪਰੰਤ ਮੀਟਿੰਗ 'ਚ ਐਸੋਸੀਏਸ਼ਨ ਨੂੰ ਪੇਸ਼ ਆ ਰਹੀਆਂ ਮੁਸ਼ਕਿਲਾਂ ਬਾਰੇ ਗੰਭੀਰ ਪੂਰਵਕ ਚਰਚਾ ਕੀਤੀ ਗਈ | ਸਟੇਟ ਚੇਅਰਮੈਨ ਡਾਕਟਰ ਪ੍ਰੇਮ ਸਲੋਹ ਤੇ ਬਲਾਕ ਪ੍ਰਧਾਨ ਡਾ. ਪਰਮਜੀਤ ਬੱਧਣ ਤੇ ਬਲਾਕ ਜਨਰਲ ਸਕੱਤਰ ਡਾਕਟਰ ਮਨਜਿੰਦਰ ਸੱਲ੍ਹਣ ਨੇ ਮੀਟਿੰਗ ਦੌਰਾਨ ਸੰਬੋਧਨ ਕਰਦਿਆ ਕਿਹਾ ਕਿ ਸਾਨੂੰ ਹਮੇਸ਼ਾ ਸਾਫ ਸੁਥਰੀ ਪ੍ਰੈਕਟਿਸ ਕਰਨੀ ਚਾਹੀਦੀ ਹੈ | ਮੀਟਿੰਗ ਵਿਚ ਮੱਧ ਪ੍ਰਦੇਸ਼ ਵਿਚ ਗ਼ਲਤ ਦਵਾਈ ਨਾਲ ਮਾਰੇ ਗਏ ਬੱਚਿਆਂ ਨੂੰ ਸ਼ਰਧਾਂਜਲੀ ਭੇਟ ਕੀਤੀ ਗਈ | ਮੀਟਿੰਗ 'ਚ ਬਲਾਕ ਕੈਸ਼ੀਅਰ ਡਾ. ਬਲਵਿੰਦਰ ਬੈਸ, ਡਾ. ਰਾਹੁਲ, ਡਾ. ਤਰਸੇਮ, ਡਾ. ਸੁਰਿੰਦਰ, ਡਾ. ਜੋਗਿੰਦਰ, ਡਾ. ਰਣਜੀਤ, ਡਾ. ਕਪੂਰ, ਡਾ. ਸਤਨਾਮ, ਡਾ. ਦਿਲਬਾਗ, ਡਾ. ਸੰਤੋਖ, ਡਾ. ਸੰਤੋਸ਼, ਡਾ. ਅਰੋੜਾ, ਡਾ. ਸੰਦੀਪ, ਡਾ. ਨਿਰਮਲ, ਡਾ. ਇੰਦਰਜੀਤ, ਡਾ. ਦਲਵੀਰ, ਡਾ. ਤੇਜਿੰਦਰ, ਡਾ. ਅਮਰਜੀਤ, ਡਾ. ਚੰਦਨ ਆਦਿ ਹਾਜ਼ਰ ਸਨ |
