ਕਾਠਗੜ੍ਹ, 25 ਦਸੰਬਰ (ਹਰਸਿਮਰਨ ਜੋਤ ਸਿੰਘ ਕਲੇਰ) - ਸੰਘਣੀ ਧੁੰਦ ਕਾਰਨ ਬਲਾਚੌਰ ਰੋਪੜ ਨੈਸ਼ਨਲ ਹਾਈਵੇ ਦੇ ਨੇੜੇ ਪਿੰਡ ਕਮਾਲਪੁਰ ਕੱਟ ਦੇ ਨਿਆਰਾ ਪੈਟਰੋਲ ਪੰਪ ਦੇ ਸਾਹਮਣੇ ਤਿੰਨ ਕਾਰਾਂ ਆਪਸ 'ਚ ਭਿੜਨ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ | ਇਸ ਘਟਨਾ ਦੀ ਜਾਣਕਾਰੀ ਦਿੰਦੇ ਹੋਏ ਐਸ. ਐਸ. ਐਫ ਟੀਮ ਦੇ ਇੰਚਾਰਜ ਏ. ਐਸ. ਆਈ ਕੁਲਦੀਪ ਕੁਮਾਰ ਨੇ ਦੱਸਿਆ ਕਿ ਉਹਨਾਂ ਨੂੰ ਸੂਚਨਾ ਮਿਲੀ ਕਿ ਕਮਾਲਪੁਰ ਕੱਟ ਨਜ਼ਦੀਕ ਨਿਆਰਾ ਪੈਟਰੋਲ ਦੇ ਸਾਹਮਣੇ ਐਕਸੀਡੈਂਟ ਹੋ ਗਿਆ ਹੈ ਜਦੋਂ ਤੁਰੰਤ ਉਹਨਾਂ ਦੀ ਟੀਮ ਨੇ ਜਾ ਕੇ ਦੇਖਿਆ ਕਿ ਤਿੰਨ ਕਾਰਾਂ ਆਪਸ 'ਚ ਟਕਰਾਈਆਂ ਹੋਈਆਂ ਸਨ | ਹੌਂਡਾ ਅਮੇਜ਼ (ਸੀ. ਐਚ. 01 ਵਾਈ 9979) ਬ੍ਰੇਕ ਲਗਾ ਦਿੱਤੀ ਤੇ ਧੁੰਦ ਜਿਆਦਾ ਹੋਣ ਕਰਕੇ ਜਿਸਦੇ ਪਿੱਛੋਂ ਆ ਰਹੀਆਂ ਦੋ ਹੋਰ ਗੱਡੀਆਂ ਇਨੋਵਾ (ਪੀ. ਬੀ 01 8900), ਵਿਨਟੂ (ਪੀ. ਬੀ 09 ਯੂ 5626) | ਇਸ ਮੌਕੇ 'ਤੇ ਉਹਨਾਂ ਦੱਸਿਆ ਕਿ ਇਹ ਕਾਰਾਂ ਬਲਾਚੌਰ ਸਾਈਡ ਵਲੋਂ ਆ ਰਹੀਆਂ ਸਨ ਅਤੇ ਰੋਪੜ ਸਾਇਡ ਨੂੰ ਜਾ ਰਹੀਆਂ ਸਨ | ਸੰਘਣੀ ਧੁੰਦ ਕਾਰਨ ਜਦੋਂ ਕਮਾਲਪੁਰ ਕੱਟ ਨਜ਼ਦੀਕ ਪਹੁੰਚੀਆਂ ਤਾਂ ਅਚਾਨਕ ਅੱਗੇ ਵਾਲੀ ਗੱਡੀ ਨੇ ਬ੍ਰੇਕ ਮਾਰ ਦਿੱਤੀ ਜਿਸ ਦੇ ਕਾਰਨ ਪਿੱਛੇ ਆ ਰਹੀਆਂ ਦੋ ਕਾਰਾਂ ਆਪਸ ਵਿੱਚ ਟਕਰਾ ਰਹੀਆਂ | ਇਸ ਮੌਕੇ 'ਤੇ ਵੱਡਾ ਹਾਦਸਾ ਹੋਣੋ ਟਲ ਗਿਆ | ਇਸ ਐਕਸੀਡੈਂਟ ਦੀ ਸੂਚਨਾ ਥਾਣਾ ਕਾਠਗੜ੍ਹ ਦੇ ਏ.ਐਸ.ਆਈ ਨੂੰ ਦਿੱਤੀ ਗਈ ਇਨ੍ਹਾਂ ਵੱਲੋਂ ਮੌਕੇ 'ਤੇ ਪਹੁੰਚ ਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ |
