ਬਟਾਲਾ, 17 ਜੂਨ (ਸਤਿੰਦਰ ਸਿੰਘ)-ਆਬਾਕਰੀ ਅਤੇ ਪੁਲਿਸ ਵਿਭਾਗ ਵਲੋਂ ਨਜ਼ਦੀਕੀ ਪਿੰਡ ਹਸਨਪੁਰਾ ਹੰਸਲੀ ਨਾਲੇ ਤੋਂ 80 ਕਿੱਲੋ ਲਾਹਣ ਬਰਾਮਦ ਕੀਤੀ ਗਈ ਹੈ | ਇਸ ਸਬੰਧੀ ਏ. ਟੀ. ਸੀ. ਮੁਕੇਸ਼ ਗੁਪਤਾ, ਈ. ਟੀ. ਓ. ਦਵਿੰਦਰ ਸਿੰਘ, ਇੰਸਪੈਕਟਰ ਗੁਰਬਿੰਦਰ ਸਿੰਘ, ਇੰਸ. ਵਿਜੇ ਕੁਮਾਰ, ਏ. ਐੱਸ. ਆਈ. ਅਮਰੀਕ ਸਿੰਘ ਤੇ ਹੌਲਦਾਰ ਪਿ੍ਥਵੀ ਰਾਜ ਨੇ ਦੱਸਿਆ ਕਿ ਗਸ਼ਤ ਦੌਰਾਨ ਉਨ੍ਹਾਂ ਨੂੰ ਗੁਪਤ ਸੂਚਨਾ ਮਿਲੀ ਕਿ ਪਿੰਡ ਹਸਨਪੁਰਾ ਦੇ ਨਜ਼ਦੀਕ ਹੰਸਲੀ ਨਾਲੇ ਦੇ ਕੰਢੇ ਕਿਸੇ ਨੇ ਲਾਹਣ ਦੱਬੀ ਹੋਈ ਹੈ | ਉਨ੍ਹਾਂ ਕਿਹਾ ਕਿ ਉਕਤ ਥਾਂ 'ਤੇ ਜਾ ਕੇ ਉਥੋਂ 80 ਕਿਲੋ ਲਾਵਾਰਸ ਲਾਹਣ ਜੋ ਪਲਾਸਟਿਕ ਦੇ ਕੈਨਾਂ ਵਿਚ ਸੀ, ਬਰਾਮਦ ਕਰ ਕੇ ਨਸ਼ਟ ਕਰ ਦਿੱਤੀ ਗਈ |
