ਪਠਾਨਕੋਟ, 21 ਅਕਤੂਬਰ (ਸੰਧੂ)-ਸ੍ਰੀਮਤੀ ਰਮਾ ਚੋਪੜਾ ਸਨਾਤਨ ਧਰਮ ਕੰਨਿਆ ਮਹਾਂਵਿਦਿਆਲਿਆ ਵਿਖੇ ਦੀਵਾਲੀ ਦਾ ਤਿਉਹਾਰ ਧੂਮਧਾਮ ਨਾਲ ਮਨਾਇਆ ਗਿਆ | ਜਿਸ ਵਿਚ ਕਾਲਜ ਦੇ ਪਿ੍ੰਸੀਪਲ ਡਾ: ਸ਼ੋਭਾ ਪਰਾਸ਼ਰ ਤੇ ਪ੍ਰਬੰਧਕ ਕਮੇਟੀ ਸੰਤੋਸ਼ ਯੋਗੀ ਸੇਠ, ਇੰਦਰਾ ਭੰਡਾਰੀ ਅਤੇ ਅੰਜਲੀ ਸ਼ਮੀ ਵਿਸ਼ੇਸ਼ ਤੌਰ 'ਤੇ ਮੌਜੂਦ ਸਨ | ਇਸ ਦੌਰਾਨ ਵਿਦਿਆਰਥਣਾਂ ਨੇ ਵਿਹੜੇ ਵਿਚ ਰੰਗੋਲੀ ਬਣਾਈ ਤੇ ਮੰਦਿਰ ਨੂੰ ਸਜਾਇਆ | ਸਮਾਗਮ ਵਿਚ ਵਾਤਾਵਰਨ ਵਿਭਾਗ ਦੇ ਵਿਦਿਆਰਥੀਆਂ ਨੇ ਪ੍ਰਦਰਸ਼ਨੀ ਲਈ ਸ਼ੀਸ਼ੇ ਦੀ ਪੇਂਟਿੰਗ, ਪੱਥਰ ਦੀ ਪੇਂਟਿੰਗ, ਰੱਸੀ ਦੀ ਟੋਕਰੀ ਤੇ ਜੂਟ ਦੀ ਟੋਕਰੀ ਆਦਿ ਚੀਜ਼ਾਂ ਤਿਆਰ ਕੀਤੀਆਂ | ਫ਼ੈਸ਼ਨ ਡਿਜ਼ਾਈਨਿੰਗ ਵਿਭਾਗ ਦੇ ਵਿਦਿਆਰਥੀਆਂ ਨੇ ਆਪਣੀ ਰਚਨਾਤਮਿਕਤਾ ਦਾ ਪ੍ਰਦਰਸ਼ਨ ਕੀਤਾ | ਇਸ ਦੇ ਨਾਲ ਗ੍ਰਹਿ ਵਿਗਿਆਨ ਵਿਭਾਗ ਦੇ ਵਿਦਿਆਰਥੀਆਂ ਨੇ ਆਪਣਾ ਫੂਡ ਫ਼ੈਸਟੀਵਲ ਵੀ ਆਯੋਜਿਤ ਕੀਤਾ | ਜਿਸ 'ਚ ਉਨ੍ਹਾਂ ਨੇ ਬਹੁਤ ਸਾਰੇ ਸੁਆਦੀ ਪਕਵਾਨ ਤਿਆਰ ਕੀਤੇ ਤੇ ਆਪਣੀਆਂ ਕਲਾਕਿ੍ਤੀਆਂ ਪ੍ਰਦਰਸ਼ਿਤ ਕੀਤੀਆਂ | ਇਸ ਮੌਕੇ ਡਾ: ਬੀਨਾ ਮਿਸ਼ਰਾ, ਨਿਹਾਰਿਕਾ ਬਿੱਟੂ ਅਗਰਵਾਲ, ਸੀਮਾ ਮਨਚੰਦਾ, ਉਰਮਿਲ ਭਸੀਨ, ਸ਼ਾਲਿਨੀ ਮਹਾਜਨ, ਡਾ: ਵੰਦਨਾ, ਡਾ: ਅਰਪਨਾ, ਪ੍ਰੋ: ਗੁਰਮੀਤ ਕੌਰ, ਪ੍ਰੋ: ਰੀਤੀ ਮਹਾਜਨ, ਪ੍ਰੋ: ਰਿੰਕੀ ਬਾਲਾ, ਪ੍ਰੋ: ਮਨੋਜ ਗੁਪਤਾ, ਪ੍ਰੋ: ਸੋਨਾਲੀ ਮਹਾਜਨ ਅਤੇ ਸਾਰਿਆਂ ਦੇ ਲੈਕਚਰਾਰ ਕਲਾਸ ਮੌਜੂਦ ਸਨ |
