ਬਟਾਲਾ, 4 ਨਵੰਬਰ (ਸਤਿੰਦਰ ਸਿੰਘ)-ਬਟਾਲਾ ਦੇ ਬੱਸ ਸਟੈਂਡ ਨਜ਼ਦੀਕ ਹੋਮੋਪੈਥਿਕ ਰਾਮ ਦੁਵਾਲੀ ਦਵਾਖਾਨਾ ਚ ਅੱਜ ਰਾਤ ਸਮੇਂ ਅੱਗ ਲੱਗ ਗਈ, ਮੌਕੇ 'ਤੇ ਪਹੁੰਚੀ ਫਾਇਰ ਬ੍ਰਗੇਡ ਦੀ ਟੀਮ ਵੱਲੋਂ ਮੁਸਤੈਦੀ ਦੇ ਨਾਲ ਕਾਬੂ ਪਾਇਆ! ਜਾਣਕਾਰੀ ਅਨੁਸਾਰ ਸ਼ਾਮ ਦੇ ਸਮੇਂ ਤੇਜ ਹਵਾ ਅਤੇ ਬਰਸਾਤੀ ਮੌਸਮ ਨਾਲ ਗਲੋਸਾਈਨ ਬੋਰਡ 11 ਕੇ.ਵੀ. ਤਾਰਾਂ 'ਤੇ ਡਿੱਗ ਗਿਆ, ਜਿਸ ਕਾਰਨ ਰਾਮਦੀਵਾਲੀ ਦਵਾਖਾਨਾ ਦੇ ਏ.ਸੀ. ਨੂੰ ਅੱਗ ਲੱਗ ਗਈ, ਇਸ ਨਾਲ ਅੰਦਰ ਪਿਆ ਹੋਰ ਸਮਾਨ ਵੀ ਸੜ ਗਿਆ! ਇੰਚਾਰਜ ਫਾਇਰ ਸਟੇਸ਼ਨ ਬਟਾਲਾ ਨੀਰਜ ਸ਼ਰਮਾ ਨੇ ਦੱਸਿਆ ਕਿ ਇੱਕ ਵਿਅਕਤੀ ਵੱਲੋਂ ਫੋਨ 'ਤੇ ਸੂਚਨਾ ਦਿੱਤੀ ਕਿ ਬੱਸ ਸਟੈਂਡ ਨੇੜੇ ਅੱਗ ਲੱਗੀ ਹੈ ਮੌਕੇ 'ਤੇ ਹੀ ਸਾਡੇ ਐਸ.ਐਫ.ਓ. ਰਕੇਸ਼ ਕੁਮਾਰ, ਡਰਾਈਵਰ ਸੰਦੀਪ ਸਿੰਘ, ਰਵਿੰਦਰ ਲਾਲ ਅਤੇ ਪੂਰਨ ਆਦਿ ਫਾਇਰਮੈਨਾ ਵੱਲੋਂ ਤੇਜੀ ਨਾਲ ਅੱਗ ਤੇ ਕਾਬੂ ਪਾ ਲਿਆ ਗਿਆ |
