ਧਾਰੀਵਾਲ, 22 ਦਸੰਬਰ (ਜੇਮਸ ਨਾਹਰ)- ਪ੍ਰਭੂ ਯਿਸੂ ਮਸੀਹ ਦੇ ਜਨਮ ਦਿਨ ਦੇ ਸਬੰਧ ਵਿਚ ਸੀਨੀਅਰ ਕਾਂਗਰਸੀ ਮਸੀਹ ਆਗੂ ਰੌਬਿਨ ਮਸੀਹ ਕਾਕਾ ਆਲੋਵਾਲ ਵਲੋਂ ਵਿਧਾਨ ਸਭਾ ਹਲਕਾ ਕਾਦੀਆਂ ਦੀ ਰਹਿਨੁਮਾਈ ਕਰ ਰਹੇ ਵਿਰੋਧੀ ਧਿਰ ਦੇ ਨੇਤਾ ਅਤੇ ਵਿਧਾਇਕ ਪ੍ਰਤਾਪ ਸਿੰਘ ਬਾਜਵਾ ਨਾਲ ਵਿਸ਼ੇਸ਼ ਮੁਲਾਕਾਤ ਕਰ ਕੇ ਉਨ੍ਹਾਂ ਨੂੰ ਕਿ੍ਸਮਸ ਦਾ ਤੋਹਫਾ ਭੇਟ ਕਰ ਕੇ ਪ੍ਰਭੂ ਯਿਸੂ ਮਸੀਹ ਦੇ ਜਨਮ ਦਿਨ ਦੀ ਖੁਸ਼ੀ ਸਾਂਝੀ ਕੀਤੀ | ਇਸ ਦੌਰਾਨ ਪ੍ਰਤਾਪ ਸਿੰਘ ਬਾਜਵਾ ਨੇ ਕਿਹਾ ਕਿ ਦੇਸ਼-ਵਿਦੇਸ਼ ਤੇ ਸੂਬੇ ਪੰਜਾਬ ਵਿਚ ਪ੍ਰਭੂ ਯਿਸੂ ਮਸੀਹ ਦਾ ਜਨਮ ਦਿਨ ਸਾਰੇ ਵਰਗਾਂ ਵਲੋਂ ਧੂਮ-ਧਾਮ, ਖੁਸ਼ੀ ਤੇ ਚਾਵਾਂ ਨਾਲ ਮਨਾਇਆ ਜਾ ਰਿਹਾ ਹੈ, ਜੋ ਆਪਸੀ ਪਿਆਰ, ਮੁਹੱਬਤ ਦਾ ਸੁਨੇਹਾ ਦਿੰਦਾ ਹੈ | ਸ: ਬਾਜਵਾ ਨੇ ਸਮੂਹ ਕਿ੍ਸ਼ਚਨ ਭਾਈਚਾਰੇ ਨਾਲ ਖੁਸ਼ੀ ਸਾਂਝੀ ਕੀਤੀ | ਇਸ ਮੌਕੇ ਕਾਕਾ ਆਲੋਵਾਲ, ਆਸ਼ੂ ਧਾਰੀਵਾਲ, ਜੋਗਾ ਸਿੰਘ ਆਲੋਵਾਲ, ਪਿ੍ੰਸ ਕਲਿਆਣ ਬੋਡੀ ਬਿਲਡਰ ਆਦਿ ਹਾਜ਼ਰ ਸਨ |
