ਅੰਮਿ੍ਤਸਰ, 16 ਜੂਨ (ਗਗਨਦੀਪ ਸ਼ਰਮਾ)-ਰੇਲਵੇ ਵਲੋਂ 1 ਜੁਲਾਈ ਤੋਂ ਟਿਕਟ ਬੁੱਕ ਕਰਵਾਉਣ ਦੇ ਨਿਯਮਾਂ 'ਚ ਤਬਦੀਲੀ ਕੀਤੀ ਜਾ ਰਹੀ ਹੈ | ਪਹਿਲੇ ਪੜਾਅ ਤਹਿਤ ਆਈ.ਆਰ.ਸੀ.ਟੀ.ਸੀ. ਐਪ 'ਚੋਂ ਆਧਾਰ ਕਾਰਡ ਬਿਨਾ ਟਿਕਟ ਰਿਜ਼ਰਵ ਨਹੀਂ ਕਰਵਾਈ ਜਾ ਸਕੇਗੀ | ਆਧਾਰ ਨੰਬਰ ਪਾਉਣ 'ਤੇ ਹੀ ਓ. ਟੀ. ਪੀ. (ਵਨ ਟਾਈਮ ਪਾਸਵਰਡ) ਆਵੇਗਾ | ਇਸੇ ਪ੍ਰਕਾਰ ਰੇਲਵੇ ਸਟੇਸ਼ਨਾਂ ਦੇ ਰਿਜ਼ਰਵੇਸ਼ਨ ਕੇਂਦਰਾਂ ਤੋਂ ਟਿਕਟਾਂ ਬੁੱਕ ਕਰਵਾਉਣ ਲਈ ਯਾਤਰੀਆਂ ਨੂੰ ਆਪਣਾ ਆਧਾਰ ਕਾਰਡ ਅਤੇ ਮੋਬਾਈਲ ਨੰਬਰ ਦੇਣਾ ਪਵੇਗਾ | ਸੂਤਰ ਦੱਸਦੇ ਹਨ ਕਿ ਰੇਲਵੇ ਵਲੋਂ ਇਹ ਬਦਲਾਅ ਲੋਕਾਂ ਦੀ ਪੁਰਜ਼ੋਰ ਮੰਗ 'ਤੇ ਏਜੰਟਾਂ ਦੇ ਵਿਰੁੱਧ ਸ਼ਿਕੰਜਾ ਕੱਸਣ ਤਹਿਤ ਕੀਤੇ ਜਾ ਰਹੇ ਹਨ |