ਅੰਮਿ੍ਤਸਰ, 18 ਜੂਨ (ਗਗਨਦੀਪ ਸ਼ਰਮਾ)-ਰੋਟਰੀ ਕਲੱਬ ਅੰਮਿ੍ਤਸਰ ਸੈਂਟਰਲ ਦੇ ਸਹਿਯੋਗ ਨਾਲ ਵਾਇਸ ਆਫ਼ ਡਾਕਟਰਜ਼ (ਵੀ. ਓ. ਡੀ.) ਅੰਮਿ੍ਤਸਰ ਗਰੁੱਪ ਵਲੋਂ ਵਿਰਸਾ ਵਿਹਾਰ ਵਿਖੇ ਬਾਲੀਵੁੱਡ ਦੇ ਮਹਾਨ ਸੰਗੀਤਕਾਰ ਆਰ. ਡੀ. ਬਰਮਨ ਨੂੰ ਸਮਰਪਿਤ ਸੰਗੀਤਕ ਸ਼ਾਮ ਕਰਵਾਈ ਗਈ, ਜਿਸ ਦਾ ਉਦਘਾਟਨ ਮੁੱਖ ਮਹਿਮਾਨ ਸਰਜਨ ਡਾ. ਨਵਪ੍ਰੀਤ ਹੰਸਪਾਲ ਵਲੋਂ ਕੀਤਾ ਗਿਆ | ਇਸ ਮੌਕੇ ਜਿੱਥੇ ਡਾ. ਗੁਰਪ੍ਰੀਤ ਛਾਬੜਾ, ਡਾ. ਹਰਪ੍ਰੀਤ ਸਿੰਘ, ਡਾ. ਦਮਨਦੀਪ ਸਿੰਘ, ਡਾ. ਸੰਗੀਤਾ ਉੱਪਲ, ਡਾ. ਅਮਿਤ ਧਵਨ, ਰੋਟਰੀ ਕਲੱਬ ਅੰਮਿ੍ਤਸਰ ਸੈਂਟਰਲ ਦੇ ਪ੍ਰਧਾਨ ਰੋਟੇਰੀਅਨ ਅਮਨਦੀਪ ਲੂਥਰਾ, ਡਾ. ਜੇ. ਐੱਸ. ਗੁੰਬਰ, ਡਾ. ਨਵਸੀਤ, ਡਾ. ਮਧੁਰ ਪੌਦਾਰ, ਡਾ. ਹਰਿਦਿਆਪ੍ਰੀਤ ਕੌਰ, ਰੋਟੇਰੀਅਨ ਪਵਨ ਕਪੂਰ ਅਤੇ ਡਾ. ਗਾਇਤਰੀ ਸ਼ੂਰ ਨੇ ਆਪਣੀ ਮਧੁਰ ਆਵਾਜ਼ ਨਾਲ ਸਰੋਤਿਆਂ ਨੂੰ ਮੰਤਰ ਮੂਗਧ ਕੀਤਾ, ਉੱਥੇ ਮੁੱਖ ਮਹਿਮਾਨ ਡਾ. ਨਵਪ੍ਰੀਤ ਹੰਸਪਾਲ ਨੇ ਵੱਖ-ਵੱਖ ਮਿਊਜ਼ਿਕਲ ਇੰਸਟਰੂਮੈਂਟਸ ਵਜਾਕੇ ਖ਼ੂਬ ਵਾਹ-ਵਾਹੀ ਲੁੱਟੀ | ਉਪਰੰਤ ਇਸ ਪ੍ਰੋਗਰਾਮ ਦੇ ਆਰਗੇਨਾਈਜ਼ਰ ਡਾ. ਗੁਰਪ੍ਰੀਤ ਛਾਬੜਾ, ਡਾ. ਹਰਪ੍ਰੀਤ ਸਿੰਘ, ਡਾ. ਦਮਨਦੀਪ, ਡਾ. ਅਮਿਤ ਧਵਨ ਅਤੇ ਰੋਟੇਰੀਅਨ ਅਮਨਦੀਪ ਲੂਥਰਾ ਨੇ ਆਰ. ਡੀ. ਬਰਮਨ ਦੀ ਜ਼ਿੰਦਗੀ ਦੇ ਯਾਦਗਾਰ ਪਲਾਂ ਨੂੰ ਸਰੋਤਿਆਂ ਨਾਲ ਸਾਂਝਾ ਕੀਤਾ | ਆਖੀਰ 'ਚ ਮੁੱਖ ਮਹਿਮਾਨ ਡਾ. ਹੰਸਪਾਲ ਵਲੋਂ ਕਲਾਕਾਰਾਂ ਨੂੰ ਯਾਦਗਾਰੀ ਚਿੰਨ੍ਹ ਭੇਟ ਕਰਕੇ ਸਨਮਾਨਿਤ ਕੀਤਾ ਗਿਆ |
